İslam Peyğəmbəri (s) elə bir əzəmətli şəxsiyyətdir ki, Qiyamət gününə qədər ilin hər günü və hər saatı ona aiddir. Çünki o, peyğəmbərlərin (ə) xatəmidir. Onun səma kitabı əbədi və cavidandır.

Həzrət Peyğəmbər (s) Quranın dili ilə.

Qurani-Kərim cavidan İlahi kitab kimi Peyğəmbərin (s) əzəmətli şəxsiyyətindən ən dərin və ən ətraflı məlumatları vermişdir.

1. Peyğəmbərlərin (ə) xatəmidir. "Muhəmməd (salləllahu ələyhi və alihi və səlləm) sizlərdən heç birinin atası deyildir (ki, oğulluğu Zeydin boşadığı zövcəsi ona haram olmuş olsun). Lakin (O,) Allah Rəsuludur və peyğəmbərlərin sonuncusudur. Və Allah həmişə hər bir şeyi biləndir". ("Əhzab" 40). İmam Sadiq (ə) buyurur: "Həqiqətən, Allah sizin nəbinizlə peyğəmbərlərə son verdi. Ona görə də sizin Peyğəmbərdən (s) sonra peyğəmbər olmayacaqdır. Sizin kitabınızla kitablara son verdi, ona görə də əbədi olaraq Qurandan sonra kitab olamayacaqdır".

2. Allah və bəndələri qarşısında təvazökar idi. "Muhəmməd (s) - Allahın peyğəmbəridir. Onunla birgə olanlar kafirlərin qarşısında güclü və sərt, öz aralarında isə mehribandırlar. Onları həmişə rüku və səcdə halında, daim Allahın lütf və bəxşişini və Onun razılığını diləyən görərsən. Onların (ibadət və itaətkarlıqlarının) nişanəsi səcdə nəticəsində üzlərində görünür". ("Fəth" 29). Bu ayədə Həzrətin (s) bəzi sifətləri bəyan edilmişdir. O cümlədən: mehribanlığı, kafirlərə qarşı sərt olması, ibadət əhli olması, İlahi razılıq ardınca olması və simasında ibadət və Allah bəndəsi olmasının zahir olması kimi.


3. Mehriban və ürək yandıran idi. "Həqiqətən sizə (mələklərdən və cinlərdən deyil) özünüzdən olan bir peyğəmbər gəlib ki, sizin əziyyət və zərərə düşməyiniz ona ağırdır; o, sizi(n iman gətirməyinizi və kamala çatmağınızı) çox istəyir və möminlərə qarşı çox mərhəmətli və mehribandır". ("Tövbə" 128).

4. Müjdə verən və nəsihət verən idi. "Ey Peyğəmbər, həqiqətən, Biz səni (dünyada ümmətin əməllərinə şahid olub və axirətdə şəhadət vermək üçün) bir şahid və müjdəçi və qorxudan (kimi) göndərdik. Və həmçinin Allahın (yaradılış) izni (və nəsib etdiyi uğurları) ilə Ona tərəf dəvət edən və aydın və nur saçan bir çıraq (olaraq göndərdik)". ("Əhzab" 45-46).

Bir nəfər yəhudi Həzrət Peyğəmbərin (s) xidmətinə gəlir və deyir: "Səni Muhəmməd (s), Əhməd, Əbil-Qasim, Bəşir, Nəzir, Dai adlandırmağın sirri nədədir?". Həzrət (s) buyurur: "Muhəmməd (s) - ona görədir ki, mən yer üzündə sitayiş edənəm. Amma Əhməd ona görədir ki, həqiqətən mən səma əhli yanında mədh olunanam. Əbul-Qasim adlandırılmışam ona görə ki, Allah Qiyamət günü atəşin bir hissəsini ayıracaq, keçmişdə və gələcəkdə mənə küfr edən hər kəs atəşdə olacaqdır. Behişti ayıracaqdır, o kəs ki, mənə iman gətirib, mənim nübuvvətimi etiraf edibdir - behiştdə olacaqdır. Dai ona görədir ki, mən insanları Pərvərdigarın dininə tərəf dəvət edirəm. Nəzir ona görədir ki, mən o kəsləri ki, mənə itaətsizlik edirlər - atəşlə xəbərdarlıq edirəm. Bəşir ona görədir ki, o kəs ki, mənə itaət edir - behiştlə müjdələyirəm"(milli.az)

Nyus.Az