La-Manş boğazındakı Gernsi adasının "Chapelle dom Hue" ərazisində arxeoloqlar qəribə qəbirlərlə rastlaşıblar.

Nyus.Az "ölkə.az"-a istinadən bildirir ki, artıq iki ildir ki, alimlər bu tapmaca-qəbirlərin sirrini açmağa çalışırlar.

2017-ci ildə arxeoloqlar delfinə bənzər dişli kitin qəbrini aşkar ediblər. Qəbir kompleksi orta əsrlərə məxsusdur. Heç kəs isə adi qida sayılan delfinin insan kimi belə dəfn edilməsinin mənasını başa düşmür.

Alimlər ərazidə dini rituala məxsus heç bir nişanə də tapmayıblar. Yəni, sözügedən dəniz canlısı yerli sakinlər üçün totem və ya sitayiş edilən canlı olmayıb. Delfin xristianlıqda xüsusi rəmzi məna daşıyır. Amma o zaman yerli sakinlər bütün delfinləri dəfn edirdilər. Burada isə söhbət birindən gedir.
Arxeoloqlar bildirirlər ki, dəniz canlısının qalıqları qəbirə xüsusi ehtiyatla yığılıb və səliqəli şəkildə basdırılıb. Bir az yaxınlıqda isə uzunqulaq sümükləri aşkar edilib. Amma bu heyvanın sümükləri necə gəldi quyuya atılıb. Yəni, söhbət heyvana hörmət və sayqıdan da getmir.

Arxeoloq Filipp de Cersi deyib:

"Əgər dəniz heyvanını onun qiymətli piyinə və ya ətinə görə öldürüblərsə, niyə dəfn ediblər? Bu adi çuxur deyil, onlar sərt qayalıq ərazidə səliqəli qəbir qazıblar. Bu günə qədər belə bir şeylə rastlaşmamışam".

2018-ci ildə isə arxeoloqlar ikinci sirli qəbirlə üzləşdilər. Bu dəfə isə XV əsrə aid insan qalıqları tapıldı. Bu qəbir delfin qəbrinin yaxınlığında tapılıb. Bu skelet də qəribə idi. Çünki onun əlləri yox idi və kəllə sümüyü deformasiyaya məruz qalmışdı. Kəllə sümüyünün sağ olduğu dövrdə yoxsa ölümündən sonra belə vəziyyətə düşdüyü məlum deyil. Kəllə sümüyündə üz sümükləri görünmür, alnında isə böyük dəlik var.

Ehtimal edilir ki, bu şəxs rahib olub və adaya dua etmək, zahdi həyatı sürmək üçün gəlib. Onu paltarla basdırıblar və alimlər qəbirdə düymə də tapıblar. Onun boyu isə 150 sm olub. Arxeoloqları bu kəşf çox maraqlandırırdı, xüsusən də əllərinin olmaması onları çaşdırırdı. Bu günə qədər də alimlər bu iki qəbrin sirrini açmağa çalışırlar...

Nyus.Az