Təfsirlərdən istifadə edərək bu nəticəyə gəlirik ki, müsəlmanların ilk qibləsinin Qüds olmasının əsas səbəbi bu ola bilərdi: Allah-təala bununla bütün səmavi dinlərin mənbəyinin eyni olduğunu diqqətə çatdırmaq istəyib. Bildiyimiz kimi, Qüsd həm yəhudilərin, həm də xristianların müqəddəs şəhəri, dini paytaxtıdır. Müsəlmanlar ilk mərhələdə namaz zamanı üzlərini Qüdsə sarı çevirməklə, əhli-kitaba göstərmiş olurdular ki, onların inandıqları dinlərin hamısının mənbəyi eynidir. Bütün səmavi dinlər Allah tərəfindən göndərilib və müsəlmanlar həm yəhudilərin, həm də xristianların peyğəmbərlərinə, müqəddəs kitablarına, qibləsinə hörmət edirlər. Lakin sonralar Mədinə yəhudiləri bundan sui-istifadə edərək şayiə buraxdılar ki, guya Həzrət Mühəmməd Peyğəmbər (s) qibləni onlardan mənimsəyib və yəhudi dinindən bəhrələnib. Bu iftiranın qarşısını almaq və yəhudilərin bəhanəsini kəsmək üçün qiblə dəyişdirildi və Məkkə qiblə oldu.(Milli.Az)
Nyus.Az