Şimali Azərbaycan ərazisində tarix boyunca bəzi sufi təriqətləri güclü olmuş və özünə çoxlu tərəfdar toplamışdır. Belə təriqətlər sırasında xəlvətilik, nəqşbəndilik, hürufiliyin adlarını qeyd edə bilərik. Bu təriqətlərin hər biri Azərbaycanın yetirməsi olan böyük şəxsiyyətlərin səyləri ilə yayılmış və inkişaf etmişdir. Məsələn, xəlvəti təriqətinin yayılmasında Seyyid Yəhya Bakuvinin, nəqşbəndiliyin inkişaf etməsində kürdəmirli İsmayıl Şirvani və Mirhəmzə Nigarinin, hürufi təliminin rəvac tapmasında isə İmadəddin Nəsiminin müstəsna xidmətləri olmuşdur. Sufilik XX əsrin əvvəllərinə kimi Azərbaycan ərazisində (əsasən, şimal bölgələrində) öz üstünlüyünü qoruyub-saxlaya bilmişdir. Bu gün də ölkəmizin şimal rayonlarında bəzi sufi ənənələrinin yaşadığının şahidi oluruq.(Milli.Az)
Nyus.Az