Xorvatiyanın Dalmaçya bölgəsində alimlər dünyanın ən qədim pendirinin qalıqlarını tapıblar.

Nyus.Az "ölkə.az"-a istinadən bildirir ki, alimlər tapılan pendirin 7 min il əvvəl istehsal edildiyini ehtimal edirlər. Beynəlxalq tədqiqatçılar pendir istehsalının Avropanın formalaşmasında böyük təsirə malik olduğunu bildirirlər.

Pokrovnik kəndində tapılan saxslı qabların üzərindəki yağ turşularının pendir qalığı olduğunu bildirən alimlər süzgəcə oxşayan saxsı qablarla pendir suyundan qaymağı ayıraraq pendir tutulduğunu düşünürlər.

Alimlər bu kəşflə ən qədim pendir istehsalının 2 min il daha geriə getdiyini, insanların sadəcə Tunc dövründə yox, Neolit dövründə də pendir istehsal etdiklərini bildirirlər. Pendir istehsalı bəşəriyyət tarixində böyük bir yerə sahibdir.

Süddən daha rahat daşınan və daha uzun müddət qalan pendirlər sayəsində fermerlik daha soyuq iqlimə sahib Orta və Şimali Avropada da yayıla bilmişdi.

Nyus.Az