Bəzən ürəyimiz şirniyyat istəyir, amma uzun vaxt apardığı üçün tənbəllik edirik.
Nyus.Az axşam.az-a istinadən bu dəfə tez hazırlanan desertlər təqdim edir:
Fincanda mafi
Tərkibi:
3 x/q. un
1 ç/q. üyüdülmüş qəhvə
2 x/q. kakao tozu
2,5 x/q. şəkər tozu
1/4 ç/q. qabartma tozu
2 x/q. süd
1 ədəd yumurta
2 x/q. bitki yağı
2/1 ç/q. vanil
Hazırlanması:
Əvvəlcə un, üyüdülmüş qəhvə, kakao tozu, qabartma tozu və şəkər qarışdırılır. Süd, yumurta, yağ və vanil əlavə edilir. Bərk xəmir alınana qədər çəngəl ilə qarışdırılır. Alınan məhlul yağlanmış fincana əlavə edilərək 90 saniyəlik mikrodalğalı sobaya yüksək dərəcədə qoyulur. Vanilli dondurma ilə süfrəyə verilə bilər.
Tünd şokoladlı desert
Tərkibi:
200 qr. tünd şokolad
REKLAM
facebook.com
Daha ətraflı
Native Video by Adributor
500 qr. südlü şokolad
400 qr. nutella
150 qr. fındıq
Hazırlanması:
Şokoladı əritdikdən sonra onu fırça ilə qabın dibinə və divarlarına çəkin. 2 dəqiqə soyuducuda saxlayın. Fındığı xırdaladıqdan sonra onu südlü şokolad və nutella ilə qarışdırın. Sonra dibinə şokolad çəkdiyiniz qaba tökün. Qabın ağzına qida plyonkası çəkib soyuducuda 3 saat saxlayın.
Qozlu şokolad
Tərkibi:
200 qr. peçenye
100 qr. qoz-fındıq (yaxud keşyu)
50 qr. ağ şokolad
250 ml. 30-35%-li qaymaq
2 x/q. bal
400 qr. tünd şokolad
100 qr. kərə yağı
Kakao tozu (üstünə səpmək üçün)
Hazırlanması:
Peçenye, qoz və ağ şokoladı əlinizlə xırdalayın.Tünd şokoladı xırda doğrayın, ya da əlinizlə bir qədər iri tikələrə bölüb qaba yığın.Tavaya qaymaq, kərə yağı və bal qoyun. Ocağın üstünə qoyub, qarışdıra-qarışdıra qaynara düşənəcən gözləyin və tünd şokoladın üstünə tökün, şokolad əriyənədək qarışdırın. Peçenye, qoz və ağ şokoladı əlavə edib qarışdırın. Bu qarışığı içinə qida plyonkası çəkilmiş kənarları açılan formaya tökün. Soyuducuda 3 saat saxlayın.
Nyus.Az
