Dmitra Milan rəssam ailəsində anadan olub. Qızın uşaqlıdan imkanı olub ki, valideynlərinin açdığı incəsənət məktəbindəki dərslərdə iştirak etsin. Məhz orada Dmitra təkcə rəssamlığın sirlərini öyrənməyib, həm də öz üslubunu tapıb.

18 yaşlı qızın rəsm əsərləri sərgilərdə on minlərlə dollara satılır. O, İnstaqram-da da xeyli məşhurdur, səhifəsini təxminən 100 min abunəçi izləyir. Qızın populyar olmasının sirri onun qeyri-adi səmimiyyətindədir. O, rəsmlərində daxili aləmini, öz hisslərini çoxlarına tanış olan arzularını çəkir.

Milli.Az oxucuları rəssamın insanı real dünyadan ayırıb xəyallar aləminə səyahətə aparan fotoları ilə tanış edir. Bu şəkillərdə abstraksiya və realizm birləşir, ön planda süjet deyil, rəsmlərdə gizlədilən emosiyalar əks olunur.

Gənc rəssam üslubu haqqında fikirlərini belə ifadə edir: "Ümid edirəm ki, insanlar rəsmə baxanda gözəlliyi görəcəklər. İstəyirəm ki, şəkillərim yeni dünyaya qapı və cənnət səltənəti olsun, hansı ki, orada yırtıcılar yoxdur, yalnız gözəllik, ümid, inam, macəralar və əlbəttə ki, məhəbbət var". (publika.az)