Bizim təfəkkürümüz insanlarla rabitəmizə təsir qoyar. İmam Əli (ə) buyurur: "Hər kim özündən razı olarsa, insanların çoxu ona qəzəblənər". Bizə ən çox zərbə vuran şey - xudbinliyimizdir, yəni özümüzə qeyri-adekvat diqqət etməyimizdir, Allaha deyil.
Əgər təfəkkür tərzimizə bir qədər diqqət etsək və onu Məsumların (ə) tövsiyələri ilə müqayisə etsək, təzada rast gələrik. Bu diqqət bizə problem gətirə bilər. Bunun nəticəsində yanlış fikirləri kənara qoyar və dilimizə və rəftarımıza nəzarət edərik. Batil təfəkkürdən xilas olmaq üçün Allaha pənah aparıb, Quran və Əhli-beytin (ə) təlimlərini yerinə yetirməliyik.
İmam (ə) buyurur ki, hər kim özündən razı olarsa, başqaları ondan narazı olar. Beləliklə, başa düşmək olur ki, özündən razı olmaq batini bir məsələdir. Biz elə bilirik ki, bu məsələ gizlidir və biz onu ifşa etmirik, ancaq səhv düşünürük. Hətta bizim bu gizli halımız belə, başqaları ilə rabitəmizə təsir qoyar. İnsanın batini həmişə zahiri ilə rabitədədir. Misal üçün insan istiğfar edər və bu məsələdən onun özündən başqası xəbər tutmaz. Ancaq həm fərdi və həm də ictimai faydaları olar.
"Ğururul-hökm" kitabında insanın özündən razı olmasına dair hədislər vardır ki, onlara nəzər salaq.
"Məbada nəfsinə kamil etimad edəsən. Bu iş böyük bir vasitədir ki, şeytan onunla ova gedər".
"Sənin özündən razı olmağının səbəbi ağlında olan çətinliyə görədir".
"Hər nə qədər özünə inam əldə etsən, daha çox hiyləsinə nəzarət et".
"Hər kim özünü mədh edər, həqiqətdə başı kəsilmişdir".
Bunu qeyd etmək lazımdır ki, belə hədislər insanları məyus etmək üçün gəlməmişdir. Öz istedadlarımızı və qabiliyyətlərimizi görmək yaxşı bir şeydir. Onları yada salıb və Allaha şükür etmək də bəyənilir. Ancaq özünə diqqət etmək və yalnız özündə dayanmaq yanlış bir işdir. Biz həqiqətdə müsbət cəhətlərimizi görən zaman Allaha şükür edərik. Allahdan istəyərik ki, bizə başqa sahələrdə də kömək etsin. Niyyətimizi güclü və pak etsin. Bizi başqa yaxşılıqlara tərəf yönləndirsin. Ancaq əgər öz yaxşılıqlarımızda dayansaq və hərəkət etməsək və bu neməti özümüzdən bilsək, xudbinliyə düçar olarıq. Bu zaman İmam Əlinin (ə) buyurduğu o nurani kəlam bizə də şamil olar.//milli.az//
Nyus.Az
