Enactus Dünya Kubokunda Azərbaycanı bu komanda təmsil edəcək

XƏBƏR LENTİ

16-10-2026 Jurnalistlərin qurultayı keçirilir - Yeni sədr kim olacaq?
16-10-2026 Ukrayna münaqişəsi Zelenskinin iştirakı olmadan həll ediləcək - Tramp
16-10-2026 Ukraynanın hərbi peyk rabitəsinə çıxışı Ağ Evin göstərişi ilə məhdudlaşdırılıb
16-10-2026 Teleqramda yenilik: TikTok və İnstagram formalı xəbər lenti gəlir
16-10-2026 Azərbaycanın 2027-ci il üçün büdcəsi ilkin variantla müqayisədə dəyişdirilib
16-10-2026 Azərbaycanda bu kəndlərin adı dəyişdirildi
16-10-2026 Bakıda müşahidə edilən tozlu hava sağlamlıqla bağlı problemlər yarada bilər - VİDEO
16-10-2026 İşinizi itirə bilərsiniz: Süni intellektin əvəz edə biləcəyi 6 peşə
16-10-2026 Dərmanları bu iki yerdə saxlamayın
16-10-2026 Meksika turistlərdən 9 dollar vergi alacaq
15-10-2026 Kəlbəcərin deputatı bu kəndə EMBARQO tətbiq edib? - BU NƏDİ BELƏ?
15-10-2026 Nərimanov rayonunda qanunsuz tikinti iddiası: Fəxrəddin Musayev küçəsi 65-də hansı işlər görülür? – VİDEO
15-10-2026 Azərbaycan iki nəhəng layihədə - Bakıya risk?
15-10-2026 DİQQƏT! Bu ərazilərdə işıq olmayacaq
15-10-2026 Ukrayna Voronej hərbi aerodromunu vurdu
15-10-2026 Rusiya dizeli ABŞ-a seçkidən əvvəl çatdırmağa çalışır
15-10-2026 63 yaşlı nənə nəvəsi ilə eyni liseydə oxuyur - Şərurdan maraqlı hekayə - VİDEO
15-10-2026 Messi özünə lüks yaxta sifariş etdi
15-10-2026 “Görək, ürəkdən, yoxsa yalandan barışıb” - Təranə Qumral
15-10-2026 Gəlinin 96, bəyin 18 yaşı var: rekord yaşda evlilik

XƏBƏRLƏR

Teleqramda yenilik: TikTok və İnstagram formalı xəbər lenti gəlir

Messi özünə lüks yaxta sifariş etdi

Vinisiusun cəzası bəlli oldu

"Liverpul" 9 qolluq matçda qalib gəldi

Osimhenin hamilə sevgilisi qəzaya düşdü - FOTO

"Ən-Nəsr"in oyunu raket təhlükəsinə görə bir saat gec başladı

BMW-dən Almaniyanı silkələyən qərar – Parlament sədrinə avtomobil vermədilər

Türkiyə Super Liqası: “Beşiktaş” öz meydanında “Kocaelispor”u məğlub edib

Toralın klubu məğlub oldu

Azərbaycanın iki boksçusu Avropa çempionu oldu

27-08-2021, 08:53

Azərbaycan Respublikasının Gənclər Fondu, Kiçik və Orta Biznesin İnkişafı Agentliyi (KOBİA), Azərbaycan Tələbə Gənclər Təşkilatları İttifaqı, "Gənclərin Maarifləndirilməsinə Dəstək" İctimai Birliyi və "Enactus Azərbaycan"ın birgə tərəfdaşlığı və BP Azərbaycan şirkətinin baş sponsorluğu ilə keçirilən "2021 Enactus Azərbaycan Milli Yarışı" yekunlaşıb.

Nyus.Az Trend-ə istinadən bildirir ki, 25 avqust tarixində baş tutan Milli Yarışın yarımfinal mərhələsi zamanı komandaların təqdimatları münsiflər tərəfindən qiymətləndirilib və Bakı Ali Neft Məktəbi, Bakı Dövlət Universiteti, Azərbaycan Dövlət İqtisad Universiteti və Sumqayıt Dövlət Universiteti komandaları final mərhələsinə vəsiqə qazanıb.

26 avqust tarixində baş tutan final mərhələsində 4 komanda Enactus Azərbaycan İdarə Heyətinin üzvləri qarşısında layihə təqdimatlarını edib, heyət üzvləri tərəfindən ünvanlanan müvafiq sualları cavablandırıblar.

Qeyd edək ki, Enactus Azərbaycan idarə heyətinin sədri, Gənclər Fondunun icraçı direktoru Fərid Cəfərov, idarə heyətinin üzvləri Azərbaycan Respublikasının Gənclər və İdman nazirinin müavini İntiqam Babayev, BP şirkətinin Yaxın Şərq və Xəzər ölkələrində kommunikasiya və təşviqat üzrə vitse-prezidenti Bəxtiyar Aslanbəyli münsiflər kürsüsündə komandaların layihələrini dəyərləndiriblər. Yekun rəyə əsasən, 124 xalla Bakı Ali Neft Məktəbi çempionatın qalibi seçilib.

Qalib komanda Azərbaycanı 14-21 oktyabr tarixlərində keçiriləcək Enactus Dünya Kubokunda təmsil edəcək. Münsiflər heyətinin qərarına əsasən, Sumqayıt Dövlət Universitetinin komandası 2-ci, Azərbaycan Dövlət İqtisad Universitetinin komandası 3-cü yerə layiq görülüb. Sonda qalib gələn komandalara mükafatlar təqdim edilərək, xatirə şəkli çəkdirilib.

Enactus gələcək nəsil təşəbbüskar liderləri və sosial yenilikçiləri yetişdirən dünyanın ən böyük təcrübə öyrənmə platformasıdır. Bu məqsədlərə çatmaq üçün Enactus gənclərə nəzəri biliklərini praktikada tətbiq etməyə, biznes, təhsil və sosial layihələrini həyata keçirməyə şərait yaradır və azad sahibkarlığı təbliğ edir.

Enactus Proqramı 1975-ci ildə ABŞ-da yaradılıb və Azərbaycan Respublikasının Gənclər Fondunun maliyyə dəstəyi ilə Enactusu Azərbaycanda, Azərbaycan Tələbə Gənclər Təşkilatları İttifaqı (ATGTİ) təmsil edir. Hazırda 35-ə yaxın ölkəni təmsil edən komandalar hər il keçirilən Enactus Dünya Kubokunda öz ölkələrini və universitetlərini təmsil edirlər.

Nyus.Az