"Qarabağ" UEFA Konfrans Liqasının pley-off mərhələsində cavab oyununu keçirib.
Nyus.Az Trend-ə istinadən bildirir ki, komanda Şotlandiyada "Aberdin"lə oynayıb.
Bakıdakı ilk görüşdə 1:0 hesablı qələbə qazanan Ağdam təmsilçisi səfərdə rəqibini 3:1 hesabı ilə üstələyib və qrup mərhələsinə vəsiqə qazanıb.
Qolları qonaqlar tərəfdən 8-ci dəqiqədə Toral Bayramov, bundan 10 dəqiqə sonra komandanın yeni transferi Kadi Borges, 72-ci dəqiqədə Abdullah Zubir, şotlandlardan isə 90+2-ci dəqiqədə Luis Ferqyusson vurublar.
Beləliklə, "Qarabağ" ardıcıl 8-ci mövsüm avrokubokların qrup mərhələsində iştirak hüququna yiyələnib. Ağdam komandası Avropa Liqasının qrup mərhələsində 6, Çempionlar Liqasının qrupunda isə bir dəfə mübarizə aparıb.
Qeyd edək ki, Konfrans Liqasının püşkatma mərasimi bu gün Bakı vaxtı ilə 15:30-da başlayacaq.
Avropa Konfrans Liqası
Pley-offun cavab oyunu
26 avqust
"Aberdin" - "Qarabağ" 1:3
Qol: L.Ferqyusson, 90+2-pen - T.Bayramov, 8. K.Malinovski, 18. A.Zubir, 72.
Baş hakim: Harald Lexner (Avstriya).
Aberdin. "Pittodri" stadionu
İlk oyun - 0:1.
Aberdin: 1. Co Lyuis, 2. Ross Makkrori, 3. Cek Makkenzi, 5. Deklan Qallaxer, 8. Skott Braun (k), 9. Kristian Ramires, 16. Funso Oyo, 19. Luis Ferqyusson, 22. Kalvin Remzi, 20. Teddi Cenks, 17. Conni Heyz.
Ehtiyat oyunçular: 25. Qari Vuds, 30. Tom Ritçi, 10. Nayall Makqinn, 14. Cey Emmanuel-Tomas, 15. Dilan Makqiox, 18. Konnor Maklennan, 21. Cek Qurr, 24. Din Kempbell, 31. Kiran Nqvenya, 35. Meyson Henkok.
Baş məşqçi: Stiven Qlass.
Qarabağ: 1. Şahruddin Məhəmmədəliyev, 2. Qara Qarayev, 5. Maksim Medvedev (k), 10. Abdullah Zubir, 11. Xayme Romero, 20. Kadi Malinovski, 27. Toral Bayramov, 30. Abbas Hüseynov, 81. Kevin Medina. 18. İsmayıl İbrahimli, 77. Ramil Şeydayev.
Ehtiyat oyunçular: 12. Emil Balayev, 94. Ayhan Arazlı, 7. Riçard Almeyda, 13. Bəhlul Mustafazadə, 17. Panadero Zamora, 19. Filip Ozobiç, 22. Musa Qurbanlı, 29. Marko Veşoviç.
Baş məşqçi: Qurban Qurbanov.
Nyus.Az
