Xorvatiya millisi Avropa çempionatının qrup mərhələsinin üçüncü tur oyunu çərçivəsində Şotlandiya yığması ilə qarşılaşıb.
Nyus.Az Trend-ə istinadən bildirir ki, Şotlandiyanın Qlazqo şəhərində keçirilən görüş Xorvatiyanın 3:1 hesablı qələbəsi ilə başa çatıb.
Xorvatiya komandasının heyətində qolları Nikola Vlaşıç (17-ci dəqiqə), Luka Modriç (62) və İvan Perişiç (77) vurublar. Şotlandiya yığmasında yeganə qolu Kallum Makqreror vurub (42).
Bələliklə, bu qələbədən sonra Xorvatiya millisi pleyf-off mərhələsinə çıxıb.
D qrupunun son turunda Çexiya - İngiltərə matçı da oynanılıb. Hər iki komanda əvvəlki iki turda 4 xal qazanmışdı. Mümkün heç-heçə hər iki komandanı 1/8 finala daşıyacaqdı. Hansısa komandanın məğlub olması isə vəziyyəti çətinləşdirəcəkdi. İngilislər bu oyundan qalib ayrılmaqla qrup birincisi kimi növbəti mərhələyə yüksəlib.
AÇ-2020
D qrupu
22 iyun
Xorvatiya - Şotlandiya 3:1
Qol: N.Vlaşiç, 17. L.Modriç, 62. İ.Perişiç, 77 - K.Makqreqor, 42.
Baş hakim: Fernando Rapallini (Argentina).
Qlazqo. "Hampden Park" stadionu.
Xorvatiya: 1. Dominik Livakoviç, 4. İvan Perişiç, 6. Deyan Lovren, 8. Mateo Kovaçiç, 10. Luka Modriç (k), 11. Marselo Brozoviç, 13. Nikola Vlaşiç, 20. Bruno Petkoviç, 21. Domaqoy Vida, 22. Yosip Yuranoviç, 25. Yoşko Qvardiol.
Şotlandiya: 1. David Marşall, 2. Stiven O`Donnell, 3. Endryu Robertson (k), 4. Skott Maktominay, 5. Qrant Heynli, 6. Kiran Tirni, 7. Con Makqinn, 8. Kallum Makqreqor, 9. Lindon Dayks, 10. Çe Adams, 17. Stüart Artmstronq.
Çexiya - İngiltərə 0:1
Qol: R.Sterlinq, 12.
Baş hakim: Artur Dias (Portuqaliya).
London. "Uembli" stadionu.
Çexiya: 1. Tomaş Vatslik, 3. Andrey Çelustka, 5. Vladimir Çoufal, 6. Tomaş Kalas, 8. Vladimir Darida (k), 9. Tomaş Holeş, 10. Patrik Şik, 12. Lukas Masopust, 14. Yakub Yankto, 15. Tomaş Souçek, 18. Yan Boril.
İngiltərə: 1. Cordan Pikford, 2. Kayl Uolker, 3. Lyuk Şou, 4. Deklan Rays, 5. Con Stounz, 6. Harri Maquayr, 7. Cek Qriliş, 9. Harri Keyn (k), 10. Rahim Sterlinq, 14. Kelvin Fillips, 25. Bukayo Saka.
İngiltərə - 7, Xorvatiya - 4, Çexiya - 4, Şotlandiya - 1.
Nyus.Az
