Qəfləti ölümlərin əsas səbəbi sayılan infarkt son illərdə çox geniş yayılıb. Bu ürək probleminə xüsusilə cavanlar arasında geniş rast gəlinir. Mütəxəssislər mütəmadi olaraq infarkta səbəb olan amilləri, onun ilkin əlamətlərini açıqlayaraq əhalini diqqətli olmağa, risklərin qarşısını almağa çağırırlar. Bununla bağlı daha bir mütəxəssisin - ürək-damar cərrahı, uzman həkim Cabir Gülmalıyevin tövsiyələrini təqdim edirik:

Nyus.Az e-tibb.az-a istinadən bildirir ki, ölüm hallarının başında gələn ilk səbəb infarktdır. İnfarktın qurbanı olmamaq üçün onun ilkin əlamətlərinə fikir vermək lazımdır. Xüsusilə də ailəvi anamnezində koronar damarların xəstəlikləri olan insanlar.

Əlamətlər:

Döş qəfəsində olan ağrılar

Ürəyin tez-tez döyünməsi

Baş hərlənməsi

Gücsüzlük, yorğunluq

Sinədə təzyiq

Şaxta sindromu

Nəfəs darlığı

Öskürək

Tərləmə və ürək bulantısı.

İnfarktın qarşısını zamanında almaq üçün aşağıdakı faktorlardan uzaq durun:

Əsəb, stress, fikir

Hədsiz fiziki yorğunluq

Qəhvə, alkoqol, siqaret, narkotik vasitələr

Hava çirklənməsi

Ağır kalorili yemək

Şəkərli diabet, süni lifli qidalar

Dislipidemiya çətin nəzarət olunan hipertoniya

Fəal olmayan, oturaq həyat tərzi keçirmək

Ürəyiniz üçün balanslı və düzgün qidalanın, fiziki aktiv olun.

Nyus.Az