Onlar bağrı yaralı Cəbrayıl rayonunun Quycaq kəndindən olsalar da Bakıda doğuldular.Bakının Xəzər sahili qəsəbələrindən olan Mərdəkanın qoynunda böyüdülər.Lakin böyüdükcə qəlblərində yuva salan yurd eşqi,üzünü bir dəfə də olsa görmədikləri Cəbrayıl harayı da birlikdə böyüdü bu əkizlərlə.
Məktəbdə vətənpərvərlik mövzusunda inşa yazarkən "biz döyüşəcəyik sonu şəhidlik olsa belə"ifadələri əslində bu balaca igidlərin torpaq itkisinə qarşı ürək döyüntüləri idi.Elə saysız-hesabsız idman uğurları da buradan qaynaqlanırdı Elşad və Rəşad Rəsulov qardaşlarının.İlk addımlarını Şağan olimpiya kompleksində atan qardaşlar idmanın karete növüylə məşğul olmağa başladılar.Çox keçmədi ki,iki uğura imza atdılar.Elə ona görə də qısa müddət ərzində məşqçiləri 3 (dan)qara kəmər sahibi Rasim Oqnevin rəğbətini qazandılar.
Çox çəkmədi ki,Karatedo təşkilatı Bakıda beynəlxaq turnir keçirdi.Əkiz qardaşlar da turnirə dəvətli idilər.Yarışdan alnı açıq qayıdan Rəsulovlar narıncı kəmərə sahib olmuşdular.Həm də bu qələbənin sevinci birə on idi,axı ilk sınaqdan çıxmışdılar.İkinci uğur özünü çox gözlətmədi.Təxminən 3 ay sonra yəni 2014 ci il iyun ayında Bakı şəhər gənclər və idman baş idarəsi kontak karete üzrə açıq çemoionat keçirtdi. (11 və 12 yaşlılar üzrə).Bu turnirdə Rəşad və Elşad Rəsulov qardaşları müvafiq olaraq 1 ci və ikinci yerləri bölüşdülər.
Lakin balacaların böyük uğurları taekvando yaışlarında qazanıldı desək səhv etmərik.Yenə də 2014 cü ildə özlərini idmanın taekvando növündə sınamağa qərar verən əkiz qardaşlar yanılmadılar.Tez bir zamanda Günay Zeynalovanın rəhbərliyi altında mütamadi olaraq məşqlərə başladılar.Ataları Taleh Rəsulov idmançı olduğundan onlar məşqçinin ev tapşırıqlarına daha məsuliyyətlə yanaşırlar.Elə bu səbəbdən ilk gündən məşqlərə səylə yanaşan Rəsulovlar məşqiçinin diqqətini cəlb etməyə bilməzdilər.Həm də karete yarışlarında qazanılan təcrübə taekvando uğurlarına cığır açdı.
Hələ qarşıda uğur dolu möhtəşəm turnirlər var.Hamını heyrətə salan məşhur İran turnirinə toxunmazdan əvvəl qardaşların ilk taekvando uğurundan danışsaq yerinə düşər.2014 ci ildə sentyabr ayının 12-17 si aralığında qardaş Türkiyədə keçirilən Azərbaycan-Türkiyə dostluq görüşü və turnirinə əkizlərdə dəvətli idilər.Əlbəttə bu onların ilk beynəlxalq yarışı olduğundan çox həyacsnlı idilər.Ayrıca bu görüş qardaş ölkədə olsa da ölkəmizdən kənarda baş tuturdu.Bu yarışın taekvando sahəsindəki ilk slnaqları olduğunu da nəzərə alsaq o zaman uşaqların həyacanı başa düşüləndi.
Yarış zamanı isə tam fərqli mənzərənin şahidi olduq.Elə ilk döyüşdəcə xal hesabı ilə irəli çıxan idmançılarımız həddən artıq sərbəst görünürdülər.İlk oyun ilk qələbə.Pis nəticə deyil.Bu uğur sonrakı 2 turu da qələbə ilə başa vurmağa stimul yaradırdı.
Türkiyədəki qələbə əkizlərdə taekvando idmanına qarşı inam yaratmaq baxımından çox əhəmiyyətli idi.
2015 ci ildə Bakıda keçirilən 1 ci avropa oyunlarının proqramına daxil edilmiş idman növlərinin məktəblilər arasında təbliği əsas şərt idi.Buna görə də məktəblilərin bu növ idman yarışları keçirilməyə başladı.Yarışlara çağrılan Rəşad Rədulov 33 kq çəki dərəcəsində döyüşərək gümüş mükafata layiq görüldü.Bu qələbədən ruhlanan Rəşad Azərbaycan Taekvando Fedarasiyasının 2002-2004 cü il təvəllüdlü uşaq oğlan və qızlar arasında keçirilən açıq çempionatdanda medalla qayıdır.Bu dəfə bürünc."Fəxrimiz"jurnalının 2016 cı il 30 Mart tarixli xüsusi buraxılışlnda da Rəşad Rəsulov haqda geniş məlumat verilmişdi.Jurnalda yeniyetmə idmançının beynəlxalq yarışlarda qazandığı uğurlardan və dərs ə'laçısı kimi sinifdə nümunəvi şagird olması barədə ətraflı yazılmışdır.Qeyd edilmişdir ki,Rəşad müntəzəm olaraq məşqlərə davam etməklə yanaşı mütaliə etməyi də çox sevir və qərb ədəbiyyatını sevə-sevə oxuyur.
Elşad da dərs ə'laçısıdı.O,idmançı kimi də qardaşından geri qalmır vaxtlı-vaxtında məşüçinin verdiyi tapşırıqları yerinə yetirir.Bir idmançı kimi emosianallığı ilə seçilir.Məhz möhtəşəm İran qələbəsində bu qartal baxışlı oğul balanın səyləri yetərincə idi.2015 ci ilin sentyabr ayında Tehranda keçirilən region ölkələri üzrə beynəlxalq turnir idmançılarımız üçün prinsipal əhəmiyyət daşıyırdı.Ümumiyyətlə bu vaxta kimi Azərbaycan və İran idmançıları arasında keçirilən hər bir yarış əsəb gərginliyi ilə müşaiyət olunub.Bu səbəbdən Beynəlxalq Taekvando federasiyasının təşkilatçılığı ilə keçirilən yarış da istisna deyidi.
Rəsulovlar bilirdilər,yaxşı bilirdilər ki,onlar ikiqat məsuliyyət daşıyırlar.Uşaq olsalar da onların körpə qəlbləri milli mənsubiyyətin alovu ilə yanırdı.13 yaşlı Elşadın dediyi kimi"onlar üçün bu yarışın tək hakimi Azərbaycan eşqi idi."
Rinqə əvvəl Rəşad çıxdı.İki döyüşdə xal hesabı ilə qələbə qazanan Rəşad finala vəsiqəni təmin etdi.Eyni uğuru əkiz qardaşı Elşad da təkrarladı.İş elə gətirdi ki,finalda hər iki qardaşın rəqibi fars idmançıları oldu.Onsuzda finala qədərki görüşlərdə taekvandoçularımız kufayət qədər hakim özbaşnalığı ilə rastlaşmışdılar.Hakimlərin qərəzli mövqeyi final həyacanını birə on artırırdı.Rəşadın uduzduğu final oyununda həmyerlimizin açıq-aşkar üstünlüyü var idi.İranlı hakimlərin riyakarlığı o dərəcəyə çatdı ki,ixtiyarları olsaydı özləri vuruşardılar idmançılarımıza qarşı.Beləcə Rəşad Rəsulov udduğu oyunu uduzdu.Daha doğrusu uduzduruldu.Lakin ruhdan düşmək lazım deyil.İran kimi ölkədə finala qədər irəliləyib yalnız İran idmançısına uduzmaq,elə qızıl medal deməkdi.
Qardaşının final oyununda haqsızlıqla dayandırılması Elşada pis təsir etsə də görüş zamanı o,özünü ələ almağı bacardı.Baxmayaraq ki,o,çox vaxt həyacanını boğa bilmir.Hamı Elşadın psixoloji təsirə məruz qalacağını və görüşü vaxtından əvvəl məğlub bitirəcəyini düşünürdü.Lakin gözlənilənlərin tam əksi oldu.Elşad döyüşə çox sərbəst başladı.Elə ilk dəqiqələrdəcə üstünlüyü ələ alan Elşad çox çəkmədi ki,rəqibindən birbaş güclü olduğunu qazandığı xallarla büruzə verməyə başladı.Lakin görüşü idarə edən hakim qardaşı Rəşada qarşı göstərdiyi qərəzi Elşada qarşı da etdi.Kənardan fars idmançını dəstəkləyənlərin hay-küyü də psixolji gərginliyi artırırdı.Elşad isə necə deyərlər möhkəm dayanmışdı.Həm də bütün ümidlər ona idi.Çünki,Elşad məğlub olacağı təqdirdə sonuncu finalçımızın da çempionluqdan əli üzüləcəkdi.Bu isə komandamızın vətənə medalsız dönməsi olacaqdı.Hakimin aşkaranə tərəfkeşliyi taekvandoçumuzu sanki,bir az da qələbəyə ruhlandırırdı.Həm də Elşadın təbiətən aqressiv olması oyunun sönük keçməsinə imkan vermədi.Nəhayət ki,həll edici an gəlib çatdı.Əsəbləri tarıma çəkilmiş Rəsulovun rəqibinin başına endirdiyi gözlənilməz zərbə nəticəsində İran taekvandoçusu yerə sərildi.Həm də başa zərbə taekvando idmanında ən yüksək xalla qiymətləndirir.Bir anda Cavənə idman kompleksini Azərbaycan! Azərbaycana! sədaları bürüdü...Bundan böyük sevinc olarmı?!Elşad Rəsulov İran idmançısını elə İranın paytaxtındaca məğlub etmişdi.
Bəli,fars taekvandoçu yerə sərildi.Azərbaycanın üç rəngli bayrağı isə zirvəyə qalxdı.Beləliklə,Elşad Taleh oğlu Rəsulov məşqiçi Günay Zeynalovun rəhbərlik etdiyi komanda heyyətində vətənə qızılla qayıdan yeganə taekvandoçumuz oldu.
Beləliklə,əziz dostlar qəhrəmanlarımla istəməsəm də sağollaşıram.Lakin yol boyu Əkizlərin dediyi bir söz qəlbimi həm göynədir,həm də qürur hissi ilə doldururdu."Biz İranda qaldırdığımız üç rəngli bayrağımızı doğma yurdumuz Cəbrayılda da dalğalanmağlnı görmək istəyirik"
