Türkiyədə TAI (Turkish Aerospace Industries) tərəfindən ATAK FAZ-2 helikopterlərinin seriya istehsalına başlamağa hazırlaşırlar.

Virtualaz.org “Hərbi icmal” nəşrinə istinadən bildirir ki, bu qanadlı maşının son sınaqları artıq başa çatıb.

Məlumdur ki, Türkiyə istehsalı olan bu helikopterin mühüm xüsusiyyətlərindən biri onun radioelektron mübarizə kompleksi (REB) ilə təchiz olunmasıdır. ATAK FAZ-2 həm də hücum xəbərdarlıq sistemi alıb. Onun effektivliyi lazer sensorunun işinə əsaslanır.

Son məlumatlara görə, bu helikopterlərin Türkiyə Ordusunun ehtiyacları üçün seriya istehsalına bu il başlanacaq. Əvvəlcə vertolyotun 2020-ci ilin ikinci yarısında istismara verilməsi planlaşdırılırdı.

Türkiyə Hərbi Hava Qüvvələri ilk mərhələdə 21 ATAK FAZ-2 helikopteri almağı planlaşdırır.

Bu döyüş maşınının ilk uçuşu təxminən bir il əvvəl – 2019-cu ilin noyabrında baş verib. Bütün sınaq kompleksinin belə tezliklə başa çatması onunla bağlıdır ki, bu, sıfırdan yaranan maşın deyil. Helikopter 2014-cü ildə istismara verilən T129 ATAK çoxməqsədli zərbə vertolyotunun yeni modifikasiyasıdır. Öz növbəsində, həmin helikopter AW129 Mangusta-nın lisenziyalı surəti idi.

Türkiyə bu proqramın həyata keçirilməsinə 4 milyard dollardan çox sərmayə qoyub. Bu vəsaitin bir hissəsi ATAK FAZ-2-də quraşdırılan radioelektron mübarizə kompleksinin yaradılması planlarının həyata keçirilməsinə sərf edilib.

ATAK – rus dilinə tərcümədə "ağır döyüş vertolyotu" kimi şifrələnən abreviaturadır. (Virtualaz.org)

Nyus.Az