İspaniyalı elm adamları iddia edir ki, koronavirus xəstələrinin göz yaşlarının tərkibinə əsasən onlarda xəstəliyin şiddətindən xəbər vermək mümkün olacaq.

Nyus.Az xəbər verir ki, alimlərin araşdırmalarının nəticələri "ScienceDirect.com" portalında yayımlanıb. Mütəxəssislər sitokinlərin (immun reaksiyaların molekulları) tərkibini araşdırıb və eyni iltihab proseslərinin göstəricilərinin göz yaşında və qan plazmasında göstərildiyini aşkar edib.

Alimlər hesab edir ki, koronavirusa yoluxmuş insanlardan qan əvəzinə gözün selikli qişasından bir tampon götürülə bilər, lakin simptomları olmayan və xəstəliyi yüngül keçirən insanlara dəqiq diaqnoz qoymaq üçün göz yaşı mayesində kifayət qədər virus hissəcikləri olmaya bilər.

Kazan Dövlət Universitetinin Fundamental Tibb və Biologiya İnstitutunun Genetika kafedrasının professoru Albert Rizvanov "İzvestiya"ya verdiyi müsahibəsində burun, göz və ağız selikli qişasının əslində infeksiya qapısı olduğunu, patogenin ilk növbədə bu orqanların toxumalarında çoxalmağa başladığını izah edib. Bu baxımdan göz yaşı diaqnozu tamamilə mümkündür. Mütəxəssisin fikrincə, uşaqlar və zəifləyən xəstələr üçün xüsusilə vacib olacaq. (publika.az)

Nyus.Az