"Kökəlmisən" - bu söz dünya əhalisinin böyük bir hissəsi üçün söyüşdən betər kəlməyə çevrilib. Neçə milyon insan arıqlamaq üçün idman salonlarına, dietoloqlara pul xərcləyir. Ancaq heç fərqinə varmırıq ki, sadəcə həyat tərzimizi bir az dəyişdirərək də arıqlaya bilərik. Bu, bir az uzunmüddətli olsa da, elə ən sağlamıdır.
Nyus.Az lent.az-a istinadən xəbər verir ki, soyuducunuzu elə boşaldın ki, açanda yeməyə bir şey tapmayıb bağlayasınız. Yemək vaxtından əlavə yediniz hər şey sizə "düşməndir". Onun əvəzinə su için.
Deməyə ehtiyac yoxdur, amma yenə də yada salaq: içki, çörək və karbonhidratlardan uzaq durun.
Qaranlıq məkanlara getməməyə və axşamlar bir saat əvvəl yatmağa çalışın. Əgər axşamlar kino və ya televizorda nəsə izləmək istəyirsinizsə, bunu qaranlıqda deyil, aydınlıqda edin.
Səhər yeməyinizi mütləq yeyin. Bu, sizə gün ərzində itirməli olduğunuz enerjini verəcək və günorta yeməyinə qədər çox acmayacaqsınız.
Günorta vaxtlarında iştahanız açılıbsa, sevdiyiniz mahnılara qulaq asın. Araşdırmalar göstərib ki, musiqi dinləyəndə də sevdiyiniz bir yeməyi yeyəndə də beyninizin eyni hissəsinə siqnal ötürülür.
Doyunca yatın ki, yeyərkən aldığınız enerjinizi yatanda toplayasınız.
Yaşıl çay için. Araşdırmalara görə, yaşıl çay içmək bədəndəki kalorilərin yanmasında çox vacibdir. Gündə 3 stəkan yaşıl çay için.
Yediniz yeməyə fikrinizi cəmləşdirin. Ayaqüstə dayanarkən, kitab oxuyarkən, film izləyərkən, ya da e-maillərinizə cavab verərkən yemək yeməyin.
Gündə ən azı 20 dəqiqə açıq havada oturmağa, ya da piyada gəzməyə çalışın. Çünki günəş şüaları yəmək istəyinizi idarə etməyə kömək edir.
Sağlam qidalara üstünlük verin. Evdən kənarda yemək yeyəcəksinizsə, seçiminiz mayonezsiz salatlar olsun.
Özünüzü çox yormayın. Pəhriz vaxtı 1200 kaloridən düşməməyə meyil edin.
Həyət-baca işlərinə baş qoşun. 1 saat həyətdə işləmək 500 kalori itirməyinizə kömək edir.
Lift əvəzinə pilləkənlərdən istifadə edin.
İplə hoppanmaq da yaxşı idmandır. Həm də o biri idman hərəkətlərindən daha asan və əyləncəlidir.
Tez-tez, amma az-az yeyin.
