Stilist Elnur Həsənov müğənnilərin geyimlərini şərh edib.

Nyus.Az axşam.az-a istinadən bildirir ki, "Xəzər maqazin"ə açıqlama verən stilist əvvəlcə müğənni Elnarə Xəlilovadan danışıb. O, ifaçı haqqında deyilən "zövqsüzdür" sözlərinə münasibət bildirib:

"Ailə qurmazdan əvvəl övladları yox idi. Ən dəblilərdən idi, səhnələri dağıdırdı. Əgər bir insan zövqlüdürsə, tendensiyanın arxasınca gedibsə, haqqı yoxdur bu gün tamaşaçıların qabağına zövqsüz çıxıb, göz korlamağa. Səhnə rahatçılığı sevir, risk tələb edir. Bəlkə də, zövqsüz deyə bilərəm. Amma insana bu formada rahatdır. Hansısa layihədə də belə görəcəmsə, onda zövqsüz deyəcəm. Onu illər əvvəl, prodakşnda çalışdığı vaxtlarda fərqli üslubda görmüşük. İndi ana olub, bəlkə başı uşaqlara qarışıb".

Aşıq Telli Borçalıdan danışan Elnur ona məsləhət verib:

"Telli Borçalı stilistə müraciət etməlidir. Məncə etsə, zövqsüz olmaz. İnsanı yönləndirsən, ətrafında yaxşı insanlar olsa, düzələr. Onu səhnəyə çıxan gündən uzun libasda gördük. Daha fərqlisini edə bilər. Dərisi çox parlaqdır. Bir az təbii makiyaj edilsə, zövqlü görünəcək".

Həsənov əməkdar artist Elza Seyidcahanın tərzini qınayanlara etiraz edib:

"Onun tərzi var. Nə və necə geyindi fərq etmir. Yaxşı və ya pis mənada gündəm yaradırsa, demək, tərzi var. Niyə bu gün Bülənt Ərsoyu görəndə bəyənirik, stilinə təəccüblənirik? Qadının öz tərzi var. Bir gün başına qəlyan qoymadı qınadılar... Bunu düşünür, tapır, niyə pislənməlidir?".

Nyus.Az