Son dövrlərdə əmək bazarında yarımştat işlərə maraq artıb. Xüsusilə tələbələr və əlavə gəlir qazanmaq istəyən şəxslər üçün bu vakansiyalar cəlbedici olsa da, bəzi hallarda elanlarda göstərilən maaş və iş şərtləri reallıqla uyğun gəlmir.
Yarımştat işlərdə əməkhaqqı necə təyin edilir?
Nyus.Az xəbər verir ki, "Ofis meneceri" və ya "Operator-satıcı" vəzifələri üçün gündə 4-5 saat, həftədə 6 iş günü müqabilində 200 AZN əmək haqqı təklif olunur. Lakin iş axtaranların sözlərinə görə, bu məbləğ çox vaxt sabit maaş və bonusların cəmindən ibarət olur.
İnsan resursları üzrə mütəxəssis Röyal Əhmədov bildirib ki, yarımştat işlərdə vahid iş saatı yoxdur və şərtlər tərəflərin razılığı ilə müəyyən edilir. Onun sözlərinə görə, bəzi hallarda əmək müqaviləsinin bağlanmaması işçilərin hüquqlarının pozulmasına səbəb ola bilər.
Ekspertlər tövsiyə edirlər ki, əmək haqqının hesablanması şəffaf aparılsın və bütün iş şərtləri əvvəlcədən əmək müqaviləsində öz əksini tapsın. Bu, işçilərin hüquqlarının və sosial təminatının qorunmasına kömək edir.(Milli.Az)
Nyus.Az
