Bu gün - oktyabrın 8-də maqnit qasırğasından öncə nisbi sakitlik gözlənilir.
Nyus.Az xəbər verir ki, bu barədə Britaniya Geoloji Xidmətinin proqnozunda bildirilir.
Məlumata görə, günəş küləyinin sürəti normada olacaq və bu gün heç bir maqnit qasırğası gözlənilmir.
Lakin ayın 9-da vəziyyət kəskin dəyişəcək.
Belə ki, oktyabrın 6-da baş vermiş güclü alışma zamanı Günəşdən "qopan" plazma buludunun oktyabrın 9-da planetimizə çatacağı gözlənilir.
"Bu, ehtimal ki, G1 və G2 səviyyəli maqnit qasırğalarının yaranması ilə geomaqnit aktivliyinin artmasına səbəb olacaq", - deyə alimlər xəbərdarlıq edirlər.
Onların məlumatına əsasən, maqnit qasırğası ən azı iki gün - oktyabrın 9-u və 10-u davam edəcək.
Günəşdən atılan güclü plazma kütləsi oktyabrın 9-da Yerə çata və geomaqnit qasırğasına səbəb ola bilər.
Təxminən 560 km/s sürətlə hərəkət edən buludun planetimizə Bakı vaxtı ilə saat 09:00 radələrində çatacağı proqnozlaşdırılır.
Həmin gün mülayim maqnit aktivliyi mümkündür. Əlverişli şərait yaranarsa, qütb (şimal) parıltısını daha aşağı enliklərdə də müşahidə etmək mümkün olacaq. Günəş aktivliyi növbəti günlərdə də yüksək olaraq qalacaq. Oktyabrın 11-də sürətli günəş küləyinin təsirinin daha da güclənəcəyi proqnozlaşdırılır.(Musavat.com)
Nyus.Az
