Hazırda həbsdə olan İmişli Rayon İcra Hakimiyyətinin keçmiş icra başçısı Vilyam Hacıyevin oğlu Məhəmməd Hacıyev yeni şirkət təsis edib.
Yeniavaz.com xəbər verir ki, hüquqi ünvanı Nərimanov rayonu, Sabit Rəhman küçəsi, ev 45, mənzil 47-də yerləşən “Juris Trade” MMC-nin (VÖEN – 1507588161) nizamnamə kapitalı 20 manat təşkil edir.
Məlumat üçün bildirək ki, Məhəmməd Hacıyev Baş Prokuror yanında Korrupsiyaya qarşı Mübarizə Baş İdarəsində prokuror işləyib. Atası korrupsiya cinayətlərinə görə həbs olunduqdan sonra işdən çıxarılıb. Eyni zamanda, Vilyam Hacıyev həbs edildikdən sonra onun özü və ailə üzvlərinin 5 milyon manatlıq əmlaklarına həbs qoyulub.
"DİA-AZ" xatırladır ki, bu günlərdə Məhəmməd Hacıyev həbsdə olan atasının müsadirə olunmuş “Range Rover” və “BMW 740İ” markalı avtomobillərini satın alması ilə də diqqətə gəlmişdi.
Qeyd edək ki, daha əvvəl 90-KH-900 dövlət qeydiyyat nişanlı “Range Rover” markalı avtomobili Məhəmməd Hacıyevin özü, digər maşını isə anası Cülyetta İbrahimova idarə edib.
Nyus.Az
