Abşeron rayonu, Ceyranbatan qəsəbəsi, Bakı-Sumqayıt şossesinin 26-cı kilometrliyində, “Miami” çay evinin yaxınlığında fəaliyyət göstərən obyektin qarşısında dəmir konstruksiyalardan istifadə edilməklə artırma və tikinti aparılması ilə bağlı “Nyus.az” internet portalının Azərbaycan Respublikası Nazirlər Kabinetinə ünvanladığı müraciət baxılması üçün aidyyəti üzrə Abşeron Rayon İcra Hakimiyyətinə yönləndirilmişdir. Rayon rəhbərliyindən redaksiyamıza 08/14/2026-cı il tarixli cavab məktubu göndərilmişdir.
Eyni məsələ ilə əlaqədar Nazirlər Kabinetindən Dövlət Şəhərsalma və Arxitektura Komitəsinə göndərdiyimiz müraciət də həmin ərəfədə Komitə tərəfindən məktubla Abşeron RİH-nin başçısına istiqamətləndirilmiş, lazımi tədbirlərin görülməsi və nəticə barədə müraciət müəllifinə məlumart verilməsi tövsiyə olunmuşdur.
RİH-nin Memarlıq və tikinti məsələləri sektorunun müdiri (baş memar) Kənan Babayev tərəfindən imzalanmış həmin məktubda bildirilir ki, vətəndaş Şahvələd Səməd oğlu Vəliyevin mülkiyyətində olan torpaq sahəsində yerləşən mövcud qeyri-yaşayış obyektinə yerində baxış keçirilmişdir: “Baxış zamanı tikilinin dam örtüyünün və dəmir-beton konstruksiyalarının deformasiyaya uğradığı, armatur elementlərində korroziya müşahidə edildiyi, divarlarda qismən dağılmaların olduğu, həmçinin fasad hissəsinin müasir tikinti norma və qaydalarının tələblərinə cavab vermədiyi müəyyən edilmişdir. Mövcud qeyri-yaşayış binasının texniki vəziyyəti home örtüyünün yenidən qurulmasına icazə verilməsi məqsədəuyğun hesab edilmişdir. Odur ki, vətəndaşın diqqətinə çatdırılmışdır ki, tikinti işlərei aparılarkən qüvvədə olan şəhərsalma və tikinti norma və qaydalarının, yanğın və elektrik təhlükəsizliyi tələblərinin, habelə digər normativ hüquqi aktların tələblərinə ciddi riayət edilməli, ətraf ərazidə yaşayan sakinlərin normal yaşayışına maneə yaradılmamalı və tikinti işləri təhlükəsizlik qaydalarına tam əməl olunmaqla həyata keçirilməlidir”.
İndi isə gəlin görək, Abşeronun baş memarı Kənan Babayevin cavab məktubunda qəribə olan nüans nədən ibarətdir?:
Birincisi, öyrənmişik ki, Kənan Babayevin qeyd etdiyi kimi, “obyektin fasad hissəsinin və dam örtüyünün yenidən qurulmasına icazə verilməsini məqsədəuyğun hesab edən” vəzifəli şəxs RİH başçısının müavini İlkin Əsədovdur ki, onun da icra başçısı Abdin Fərzəliyevin səlahiyyətində olan məsələ ilə bağlı qərar vermək ixtiyarı yoxdur.
İkincisi, Kənan Bbayev cavab məktubunda “dam örtüyünün və dəmir-beton konstruksiyalarının deformasiyaya uğradığı, armatur elementlərində korroziya müşahidə edildiyi...” və s. qanunsuz artırılmaqda olan və artırılmasının qarşısının alınması məqsədəuyğun olan konstruksiyaların) əvvəldən guya mövcud olduğunu bildirməklə, qanunsuz aparılan işlərə “qanuni don” geyindirməyə çalışır. Bununla da özü də fərqinə varmadan qanunsuz artırılmaqda olan konstruksiyada paslanmış dəmirdən istifadə edildiyini etiraf edir. Əslində isə mövzu vətəndaş tərəfindən artırılan əlavə konstruksiyanın ayrı-ayrı elementlərinin keyfiyyəti deyil, artırılmanın özünün qanunsuz olmasıdır. Belə çıxır ki, baş memar Kənan Babayevlə başçının müavini İlkin Əsədov cənab başçı Abdin Fərzəliyevdən xəlvət olaraq qanunsuz tikinti işlərinə rəvac verirılər. A.Fərzəliyev hətta həmin ərəfədə məzuniyyətdə olsa belə müvəqqəti səlahiyyət daşıyan müavinlərindən heç kim cəsarət edib gələcəkdə hesabı başçıdan sorulacaq qanunsuzluğa qol qoymaz. Əgər sabah İlkin Əsədov sözügedən məsələ ilə əlaqədar heç bir imza atmadığını bəyan etsə, təəccüblənməyə dəyməz. Çünki Kənan Babayevin əvvəllər də rəvac verdiyi qanunsuzluqlara görə ictimai rəyi azdırmaq üçün belə yayındırıcı fəndləri olub.
Mövzuya qayıdacağıq.
Nisa Şirvanlı
Nyus.Az
