Fransada yaşayan rus Olesya Şemyakova səhvən İsveçrə restoranlarından birində 7.7 min dollar pul ödəyib.



O, sözügedən kafedə bir kofe və bir dilim tort yeyib. Amma yediyi yeməyin pulunu kartla ödəyərkən məbləği yanlış yazıb. Sözügedən hadisə fevral ayında baş verib. İşsiz qadın səhvini bankdan qəbzlər gələndə anlayıb. “Mən öz gözlərimə inanmadım. Axı bu, açıq-aşkar yanlışlıq idi. Mən bu pulla bir neçə ay Fransada yaşaya bilərdim”.



Nəşrin yazdığına görə, nə bank, nə polis ona yardım edə bilib. Bu zaman qadın birbaşa restoran rəhbərliyinə müraciət edib. Restoranda öncə onu inandırıblar ki, bütün məbləği geri qaytaracaqlar. Amma aradan bir müddət keçəndən sonra restoran rəhbərliyi onunla əlaqəyə çıxmaqdan imtina edib.



Xəbərdə həmçinin qeyd olunur ki, yeməkxana sahibinin qardaşı ona dəymiş ziyanı ödəyəcəyi ilə bağlı söz verib. Şemyakina özü isə əmindir ki, bu vəd, sadəcə, diqqəti kafedən çəkmək məqsədi daşıyır: “Onlar böyük ehtimalla vəziyyəti sakitləşdirmək üçün dedilər ki, pulu geri qaytaracaqlar. Səs-küy azalanda isə aradan çıxdılar”.