Kanada ABŞ-la ticarət müqaviləsini yekunlaşdırmaqdan imtina edib. Musavat.com Reuters-ə istinadən xəbər verir ki, bunu ABŞ Ticarət Nümayəndəsi Ceymison Qrir deyib.
Onun sözlərinə görə, Kanada hökuməti Vaşinqtonun əlverişli hesab etdiyi müqaviləni rədd edib. Buna görə də ABŞ-ın müəyyən Kanada mallarına tarifləri bu gündən qüvvəyə minəcək.
O, iddia edir ki, ABŞ-ın təklifinin Kanadaya bütün Amerika ixracatçıları arasında daha yaxşı mövqe qazandıracaqdı, lakin Ottava bunu rədd edib. Vaşinqton administrasiyasının yüksək vəzifəli rəsmisi jurnalistlərə bildirib ki, Kanada daha çox güzəşt istəyir. O, Vaşinqtonun Ottavanın tariflərə cavab olaraq heç bir tədbir görəcəyini gözləmədiyini vurğulayıb. Hazırda ABŞ-Kanada danışıqları planlaşdırılmayıb.
Kanadanın Baş naziri Mark Karni açıqlamasında ABŞ ilə ticarət danışıqlarını dayandırmaq qərarına gəldiyini təsdiqləyib. O, öz növbəsində Ottavanın "işçiləri və biznesləri qorumaq üçün" cavab tarifləri tətbiq edəcəyini qeyd edib.
Dünən dövlət katibi Marko Rubio Kanadanın xarici işlər naziri Anita Anand ilə iki ölkənin əlavə tariflərin tətbiqinin qarşısını ala biləcək yeni ticarət müqaviləsi barədə razılaşma əldə etməsindən sonrakı dövr üçün iqtisadi münasibətləri müzakirə edib.
Avqustun 19-da ABŞ prezidenti Donald Tramp ABŞ və Kanadanın ticarət müqaviləsi barədə razılığa gəldiyini açıqlayıb. Bir gün əvvəl Ağ Ev sahibi ABŞ-ın Kanada mallarına tətbiq edilən 50 faizlik tarifləri üç gün müddətinə dayandıracağını açıqlamışdı.
Lakin aydın olur ki, razılaşma əldə etmək mümkün olmayıb. (Musavat.com)
Nyus.Az
