Ermənistan hökuməti sülhün institusionallaşdırılması çərçivəsində yaxın 5 ildə Azərbaycanla ticarət əlaqələrini qurmaq istəyir.
Nyus.Az "Qafqazinfo"ya istinadən xəbər verir ki, bu barədə Ermənistan hökumətinin 2026-2031-ci illər üzrə fəaliyyət proqramının layihəsində qeyd olunub.
Nazirlər Kabinetinin gündəliyinə daxil edilən və rəsmi saytda dərc olunan sənəddə bildirilir:
"Sülhün institusionallaşdırılması və möhkəmləndirilməsi məqsədilə Hökumət "Ermənistan Respublikası ilə Azərbaycan Respublikası arasında sülhün və dövlətlərarası münasibətlərin bərqərar olması haqqında" sazişin imzalanması və ratifikasiyası, Azərbaycanla dövlət sərhədinin delimitasiyası və demarkasiyası işlərinin davam etdirilməsi, eləcə də vətəndaş cəmiyyətləri, Ermənistan və Azərbaycanın biznes dairələri arasında təmasların və ikitərəfli ticarətin fəallaşdırılması istiqamətində işləri davam etdirəcək".
Nyus.Az
