Xaldan-Şəki yolunun üstündə fəaliyyət göstərən və Yusif adlı şəxsə məxsus olduğu bildirilən obyek, bu gün ən böyük əxlaqsızlıq ünvanlarından birinə çevrilib. Çünki, əldə etdiyimiz məlumatlara görə bu obyektdə nə az, nə də ki, çox düz 11 nəfər “xanım” gündəlik müştəri hüzurunda “sərasər dayanırlar”. Belə bir səbəblər üzündəndir ki, qol qoyulan əməllərə görə bu obyektin adı dillər əzbəridir. Bəli, uzun müddət idi ki, biz bu ünvanda hansı həngamələrə qol qoyulması haqda məlumatları eşidib, sanki dəhşətə gəlirdik. Redaksiyamıza daxil olan məlumatlara görə, elə ki, həmin ünvana ayaq basırsan, o halda müştəri gəlişini səbirsizliklə gözləyən “xanımlar”dan belə bir təklifi eşitməli olursan: “Siz neçə nəfərsiniz və hansı qiymətə “xanım” istəyirsiniz?” Maşallah! O halda başa düşürsən ki, Yusif adlı şəxsin işlətdiyi bu obyektdə ab-hava tamam fərqlidir. Onu da bildirək ki, adı çəkilən şəxsin sahiblik etdiyi obyektin hər otağında yemək stolu, yataq dəsti və digər təminolunmalar var ki, bu da qadınların gündəlik cinsi zoraklığa məruz qalmalarına “super” imkanlar yaradır. Hələ bunlar azmış kimi, birdən hansısa müştəriyə lap “sütül xanım” lazım gələrsə, o halda obyektdə onu da “düzüb-qoşurlar” və çox keçmir ki, müştəri ürəyindən keçən belə bir arzusunu “çin edə bilir”. Əcəba, sən dünyanın işinə bir bax!
Yusif adlı şəxsə məxsus olduğu bildirilən bu obyektdə iş saatı əsas etibarilə axşam saatlarında başlayır. Yəni, həmin saatlardan sonra obyektə ayrı-ayrı ünvanlardan “seçmə xanımlar” gəlirlər və onlar obyekt sahibinin müəyyən etdiyi qiymətlər çərçivəsində müştəri hüzurunda “sərasər dayanırlar”. Söylənilənlərə görə, həmin obyektə ətraf ərazilərdən o qədər “xanımlar daşınıb gətirilir” ki, obyektin sahibini tanıyıb-bilənlər, hətta ona “ət maşını” deyə “kliçka” da qoyublar. İndi olub-keçənlərə diqqət yetirək. Bir tərəfdən aidiyyəti dövlət qurumları qadınların cinsi istismar olunmalarına qarşı ardıcıl mübarizə tədbirləri həyata keçirir, digər tərəfdə isə, Yusif adlı şəxs düşünüb-daşındığı addımlarını atır.
Son günlər müəyyən çevrədə belə bir məlumatlar da dolaşır ki, Yusif adlı şəxs qol qoyduğu bu cür əməllərinə görə, hal-hazırda bölgədə ən çox “iş stajı”na sahib olan şəxs hesab olunur. O halda sual oluna bilər ki, görəsən yaşadığı bölgənin “dan ulduzu”na çevrilən bu şəxsə “arxa-dayaq” olan vəzifə sahibi kimdir? Bax budur hər kəsi düşündürən hal! Çünki, heç cür inandırıcı deyil ki, bu şəxsə kimsə “arxa-dayaq” olmadan, o, Xaldan-Şəki yolunun üstündə belə bir formada “fironluq” edə bilsin. Daha düşündürücü hal isə, Şəki rayon İcra Hakimiyyəti rəhbərliyinin və Şəki şəhər Polis Şöbəsinin bu cür biabırçılıqlara göz yummalarıdır. Çünki, gündəlik ən azından 11 nəfər Azərbaycan qadınının cinsi istismar olunmasının qarşısını almaq üçün, qabaqlayıcı addımlar atılmalıdır. Baş verən biabırçılıqlara Şəkidə aidiyyatı dövlət qurumlarının göz yummaları isə, sözün əsl mənasında heç cür başadüşülən hal deyil. Məsələnin düşündürücü tərəfi odur ki, həmin obyektdə bir ədəd olsun belə kassa aparatının olmadığı bildirilir. Ona görə də, “Yusif qağa”nın işlətdiyi obyektə üz tutan müştərilərə heç bir halda ödəniş qəbzi verilmir. Yəni, obyekt sahibi vergi məsələsini qarşı tərəflə razılığa gəldiyi formada həll edir. Bu kimi halın varlığı da, obyekt sahibinin əldə etdiyi gəlirlərin daha çox hissəsinin vergidən gizlədilməsinə imkanlar açır. Bu da həm əmək intizamının tələblərinin pozulması, həm də vergi cinayətinin baş verməsi deməkdir. Əsas məqamlardan biri də, cütlüklər qiyməti razılaşdırılmış otaqlara daxil olarkən, həmin şəxslərin nigahda olub-olmadıqları araşdırılmır, obyektdə çalışan işçilərlə əmək müqaviləsi bağlanmır, natəmizlik halları tüğyan edir və s, vəalaxır kimi olaylar baş verir. Eşitdiyimiz bəzi məlumatlara görə, obyektdə yaşananlarla bağlı bu günədək ayrı-ayrı media qurumlarında dəfələrlə tənqidi məqalələr işıq üzü görüb, problemlərin varlığı qabardılıb və o da vurğulanıb ki, qeyd olunan ünvanda yaş həddindən asılı olmayaraq qadınların cinsi istismara məruz qalmaları üçün hər cür şərait yaradılır.
Daha düşündürücü hallardan biri də odur ki, bu gün Yusif adlı şəxs bölgədə öz adı ilə deyil, daha çox əxlaqsızlıq ünvanı işlətdiyinə görə tanınır və o, bu gün də belə bir “şərəfli missiya”sını davam etdirməkdədir. Düşünürük ki, məqalənin dərcindən sonra aidiyyəti dövlət qurumlarının səlahiyyətli şəxsləri, adı çəkilən bu şəxsin əməllərinə hüquqi qiymət verilməsi üçün, onu hüquqi müstəvidə “çarmuxa çəkəcəklər”.
P.S. Hörmətli oxucular! Çox yaxın günlərdə Yusif adlı şəxsin işlətdiyi obyektlə bağlı əldə olunacaq çəkilişi, həmçinin bu ünvanda gündəlik müştəri hüzurunda “sərasər dayanan xanımların” adlarını, soyadlarını, hansı bölgədən olmalarını və s. hər kəsin diqqətinə çatdırmağa çalışacağıq. Odur ki, bizi izləməyi unutmayın.
Nyus.Az
