[media=https://www.youtube.com/watch?v=-r1TZpdQYRE&feature=youtu.be]
Düz 5 il qabaq, 2014-cü ildə Bakının “Sovetski” məhəlləsinin camaatı külli olaraq ayağa qalxmış, hökumətə gücünü göstərmişdi.
Bakılıların tələbi buydu ki, hakimiyyət onların sözünü eşitməlidir, mülkiyyət hüquqları qorunmalı, kompensasiyalar ədalətli ödənməli, bölüşdürmədə ayrı-seçkiliyə yol verilməməlidir.
Bu aksiya son illərin ən izdihamlı, kütləvi etirazlarından idi, xalq qəzəbiydi, genişlənə bilərdi və hökumət “Sovetski”nin yumruq kimi birləşdiyini görürdü.
O baxımdan insanları danışıq masasına dəvət elədilər, sakinlərə vəd verib sakitləşdirdilər. Bu hadisədən 5 il ötür və sükut pozulmaqdadır.
Yasamal rayon icra başçısı Əziz Əzizovdur. O, vətəndaşları sakitləşdirmək əvəzinə, yanğının üstünə körüklə getməkdədir.
Ə.Əzizov bu gedişatın nə ilə nəticələnə biləcəyini hesablamadan, qəbuluna gələn “Sovetski” qadınlarını təhqir etməkdən çəkinmir.
Bu günlərdə Yasamal Rayon İcra Hakimiyyətinə gedən sakinlər kompensasiyanın azlığından, evlərindən zorla çıxarılmasından şikayətləniblər.
Amma icra başçısı qadınlara “ləçər”, “ay qız”, “dəli”xitabları ilə aşağılayıcı sözlər deyib. Bunu özləri video çıxışlarında bildiriblər.
“Qadına ləçər deyərlər? Əziz Əzizova yaxınlaşmışıq. Deyir ki, Allah bəlanızı versin. Allah bəlamızı verib də, 1 il qabaq səni kimi icra başçısı gəlib”,-sakinlər etiraz edərkən söyləyirlər.
Onlardan biri – Balacaxanım Süleymanovanın sözlərinə görə, icra başçısı onu da təhqir edib: “Məni təhqir edir, bizi qəbula buraxmır. Evimizdən çıxarırlar, qazı, suyu, işığı qəsdən kəsirlər,deyirlər ki, məcburi çıxın. İcra başçısı deyir ki, “davay, davay çıxın”. Belə məmur olar?
Bizə Prezident Aparatından deyilib ki, qəbula gedin. Hər gedəndə bizi təhqir edir. Bu cür məmurlar dövlət içində dövlət yaradıblar”.
Sakinlər deyirlər ki, “Sovetski”də kompensasiya kimisinə 1800 manatdan, kimisinə 2000 manatdan verilib. Bu ayrı-seçkilik davam edir və vətəndaşlar evlərindən məcburi qaydada sürgün edilir. Amma getməyə yerləri yoxdur.
“Sovetski”də yaşayan qadınların icra başçısı təhqir olunması qəzəb doğurub və əhali etirazlara hazırlaşır.
Çünki Azərbaycanda təhqirə görə bir neçə məmurun başı gedib və Əziz Əzizov də istisna deyil. Onun qadınlara “ləçər” deməsi çox ağır söhbətdir və insanları söymək, heysiyyatına toxunmaq ciddi başağrısı yaradacaq.
Bu, həm də Yasamalın icra başçısının dövlətə, prezidentə təxribatıdır. İcra başçısı hesablamayıb ki, bu təhqirlə insanları aqressivləşdirir, qızışdırır və hakimiyyətin üstünə qaldırır.
Prezidentin ətrafındakı belə yarıtmaz məmurların yekəxanalığı axırda iqtidara zərbə vurmaqla nəticələnir. Dövlət başçısı dəfələrlə bildirib ki, icra başçılarını təyin edərkən onlara xalqla işləməyi tapşırır.
Amma deyəsən, Cəlilabaddan Bakıya təyinat alması Ə.Əzizovu çox arxayınlaşdırıb, özü haqda yüksək fikirdədir. Lakin bilmir ki, xalq taxta çıxanı sədarətdən necə düşürməyi də bilir.
Bu gedişlə Yasamala yeni icra başçısı təyin olunacağı gözləniləndir. Nəzərə almaq lazımdır ki, “Sovetski” Bakının həssas yeridir, Nardaran qədər mühüm ərazidir.
Belə yerin əhalisini ayağa qaldırmaq prezidentə provokasiya, “qaşınmayan yerdən qan çıxarmaq”, xaricdəki bəzi dairələrin “dəyirmanına su tökmək”dir.
Sakinlərin sözlərinə görə, icra başçısı onları saymır, şikayətlərini dinləmir, mənzillərinin kvadratı az olanlara təzminatın məbləğində güzəşt edilmir.
Şəhərin mərkəzindən didərgin salınan bu insanlar 30-35 min manata haradan ev alsınlar? Ə.Əzizovun yaşadığı evin qiyməti, sürdüyü maşınların məbləği, biznes imperiyası yüzlərlə “Sovetski” sakininin kompensasiyasını ödəyər.
Nə vaxta qədər başçıları xalqı prezidentdən narazı salacaqlar? Axı onlar ölkə başçısının yerlərdəki nümayəndələridirlər.
“Biz Bakı Şəhər İcra Hakimiyyətinin başçısı Eldar Əzizovun qəbulunda da olmuşuq. Lakin müraciətimizə baxmırlar. Evlərimiz balacadır. 1 kvadratmetrinə görə, 1500 manat çox azdır.
Demək olar ki, heçnədir.30 min manat pulla biz nə ala bilərik?Kimə müraciət edirik, deyirlər dövlət əhəmiyyətli yerdir, çox pul verə bilmirik”, – deyə, narazı sakinlərdən biribildirib.
Bakının “sovetski” deyilənə razisinin sökülməsinə əsasən 2014-cü ildəbaşlanıb.26 hektardan çox sahəni əhatə edən ərazidə 4500-ə yaxın yaşayış və qeyri yaşayış obyektləri sakinlərlə əldə edilmiş razılığa əsasən satın alınıb və sökülüb.
İkinci mərhələdə isə 1920 evin söküldüyü bildirilir.Bu zaman söküntü işlərinin təqribən 13 hektar ərazini əhatə etdiyi qeyd olunur.
Amma hərikimər hələdə kompensasiyanın məbləğiilə( hərkvadrata 1500 manatödənilirdi) razılaşmayan, söküntüyə dirəniş göstərən ailələrdə olub.Onlar müxtəlif dövrlərdə aksiyalar da keçiriblər.Bununla bağlı bir sıra şikayətlər, hətta Avropa İnsan Hüquqları Məhkəməsinədə göndərilib.
Bu yaxınlarda isəBakıŞəhərİcraHakimiyyətininbaşçısıEldarƏzizovdemişdiki, “Sovetski” ərazisininyenidənqurulmasıiləbağlıxüsusi plan hazırlanır.Ammadeyəsən “xüsusi plan” dedikləri icra başçısının qadınlara ləçər deməsi, insanları təhqir edib qapıdan qovmasıimiş…(Reportyor.info)
Nyus.Az
