Yəqin ki, çoxsaylı oxucularımızın xatirindədir ki, təqribən üç-dörd gün bundan öncə Ağstafa MRX-sı ilə bağlı redaksiyamıza daxil olan məlumatları araşdırarkən, özünü bizə Ağstafa RPŞ-i rəisinin müavini kimi təqdim etmiş Zaur Məmmədovun atdığı addımlardan bəhs etmişdik. Yəni, yazıb qeyd etmişdik ki, bu şəxs çalışdığı polis şöbəsində xidmət üzrə baş inspektor vəzifəsini daşısa da, o, özünü bizə ilk əvvəl “mənim adım Zaurdur və Ağstafa polis bölməsində xidmət rəisiyəm”, daha sonra o, “mən Ağstafa polis şöbəsində xidmət rəisiyəm”, təkrar sualımıza cavabında isə “mən Polis idarəsində xidmət rəisiyəm” deyə cavabını vermişdi. Bir anlığa olsa belə, Zaur Məmmədov adlı polis əməkdaşının ona ünvanladığımız suallara verdiyi cavablara diqqət yetirək. Bu şəxs ilk cavabında “mən Ağstafa polis bölməsində xidmət rəisiyəm”, daha sonra o, “mən Ağstafa polis şöbəsində xidmət rəisiyəm”, təkrar sualımıza cavabında isə “mən Polis idarəsində xidmət rəisiyəm” deyə cavab verir. Tərəfimizdən apardığımız araşdırmalar zamanı bəlli oldu ki, bu şəxs Ağstafa RPŞ-də xidmət üzrə baş inspektor vəzifəsini daşıyır. Yəni, bu o deməkdir ki, bu gün Zaur Məmmədov məsuliyyətli bir sahəyə rəhbərlik edir və o, sıravi polis əməkdaşı deyil. Belə olan halda ortaya çoxsaylı suallar çıxır ki, baş inspektor vəzifəsini daşıyan bu şəxsin KİV nümayəndələrinin araşdırma apardığı məsələlərə müdaxilə etməsinə səbəb nədir? Yaxud da, onun özünü bizə Ağstafa RPŞ-i rəisinin müavin kimi təqdim etməsinin kökündə nələr dayanır? Digər tərəfdən, deyəsən bu şəxs çalışdığı polis şöbəsində daşıdığı vəzifəsini də düzgün ifadə edə bilmir. Hələ bu azmış kimi o, deyəsən Ağstafa RPŞ-nin şöbə, yaxud da bölmə olmasını ayrıd edə bilmədiyindən, “mənim adım Zaurdur və Ağstafa polis bölməsində xidmət rəisiyəm” cavabını verir. Düşünürük ki, bu cür açıqlamalardan sonra Ağstafa RPŞ-nin rəisi çox hörmətli Elsevər Aslanov, tabeçiliyində olan bu şəxsin daşıdığı vəzifəsinə aid olmayan məsələlərə müdaxilə etməsinə aydınlıq gətirilməsi üçün, Zaur Məmmədova bir neçə suallar ünvanlayacaq. Yəqin ki, o halda bəzi gizlinlərə aydınlıq gətiriləcək. Çünki, Ağstafa MRX-nın “UZİ” şöbəsində yaşanan problemlər və həmin problemlərlə bağlı hər hansı KİV nümayəndəsinin apardığı jurnalist araşdırmasının Zaur Məmmədova heç bir aidiyyəti yoxdur. Bu yöndə apardığımız araşdırmalar zamanı və əldə etdiyimiz təqribi məlumatlara görə, bu şəxs iki-üç il bundan öncə də, başqa bir media nümayəndəsinə qarşı oxşar addımını atır. (Etika naminə və təbliğatı olmasın deyə, həmin KİV-i nümayəndəsinin adını çəkmirik) Belə bir məsələlərdə müəyyən məsuliyyətin sahibi olan vəzifə sahiblərindən biri də, Ağstafa MRX-nın baş həkimi Fatma xanım Vəliyevadır. Çünki, adı çəkilən bu xanım rəhbərlik etdiyi sahədə dönüş yaratmaq, bəzi problemləri aradan qaldırmaq əvəzinə o, tabeçiliyində çalışan şəxslərin özlərinə kənardan himayədarlar axtarmasına şərait yaradır. Məsələn, biz redaksiyamıza MRX-nın “UZİ” şöbəsində yaşanan problemlərlə bağlı daxil olan məlumatları araşdırmağa başlayırıq və həmin məlumatlarla bağlı məqalə dərc olunmazdan öncə, qarşı tərəfdən məsələlərə münasibətlərini öyrənmək istəyirik, o halda, yəni telefon danışığımızan 3-4 dəqiqə sonra “mənim adım Zaurdur və Ağstafa polis bölməsində xidmət rəisiyəm” deyən Zaur Məmmədov adlı polis əməkdaşı zəng edir. Hətta, bu şəxs “siz Könül xanımdan nə istəyirsiniz?” deyə bizə sual da ünvanlayır. Elə ki, həmin an ondan rütbəsinin nə olduğunu, hansı əsasla bizə zəng etməsini soruşduq, o halda o, ona verdiyimiz sualları cavablandırmaqdan “vaz keçdi”. Belə bir addımlar da, məhz yuxarıda qeyd etdiyimiz kimi ortaya çoxsaylı sualların çıxmasına səbəb olur.
P.S. Hörmətli oxucular! Biz bu yöndə araşdırmalarımızı davam etdirəcəyik və hansı şəxsin hansı səbəbdən Zaur Məmmədovu təhrik edərək, redaksiyamıza məxsus mobil telefona zəng etdirməsi məsələlərinə aydınlıq gətirməyə çalışacağıq. Həmcinin "mən də vəhabiyəm" deməklə, Ağstafada yaşadığını bildirən Mahir adlı şəxsin adı çəkilən səhiyyə müəssisəsini canı-qəlbdən müdafiə etməsi məsələrinə də toxunacağıq. Eyni zamanda, Zaur Məmmədovun bizimlə telefon danışıqlarının səsyazısını hər kəsin, o cümlədən cənab Ramil Usubova da çatdırmağa çalışacağıq. Bu və ya digər məsələlərlə bağlı olayları çox yaxın günlərdə oxuya biləcəksiniz. Odur ki, bizi izləməyi unutmayın.
Nyus.Az
