Son vaxtlar Ağstafa səhiyyəsində yaşanan biabırçı olaylarla, qol qoyulan çoxsaylı olaylarla bağlı yerli sakinlər tərəfindən bir çox media qurumlarının redaksiyalarına ünvanlanan şikayət məktublarının sayı günü-gündən artmaqda davam edir. Məsələnin təəccüb və təəssüf doğuran tərəfi ondan ibarətdir ki, şikayət məktublarının çoxu Ağstafa MRX-nın “UZİ” şöbəsindən daxil olur. Belə ki, ünvanlanan məktublarda qeyd olunur ki, “adı çəkilən şöbədə çalışan Könül xanım bir kimsənin kölnünə toxunmadan, çalışdığı şöbədə əməlli-başlıca “bazar açıb”. Yəni, o, bu gün dövlət səhiyyə müəssisəsində çalışmasına baxmayaraq, hər “UZİ”yə üz tutan şəxsi 15-20 manat məbləğində “tasa otuzdurur”. Bu da sakinlər arasında kütləvi narazılıq hissinin baş qaldırmasına, dövlət səhiyyə müəssisələrində “tibbi xidmət pulsuzdur” deyə, təbliğ olunan təbliğatın heçə enməsinə səbəb olur. Elə ki, redaksiyamızın elektron poçtuna daxil olan müraciətlər əsasında müəyyən araşdırmalar aparmağa başladıq və problemlərin varlığına münasibətini öyrənmək məqsədilə Könül xanımla əlaqə saxladıq, o halda adı çəkilən xanıma məxsus mobil telefona cavab verən şəxs bildirdi ki, “Könül xanım baş həkimin yanındadır”. Belə bir telefon danışığından az sonra isə, Ağstafa MRX-nın baş həkimi Fatma xanımın mobil telefonundan redaksiyamıza məxsus mobil telefona zəng gəldi və zəng edən şəxs “mən Könül xanımın işçisiyəm” dedi. Tərəfimizdən bu yöndə lazımi araşdırmalar apardıq, redaksiyamıza zəng olunan nömrənin Fatma xanıma məxsus olmasını tam dəqiqləşdirə bildik ki, həmin nömrə Ağstafa MRX-nın baş həkiminə məxsusdur. Ümumi söhbət əsasında qarşı tərəfə bildirdik ki, redaksiyamıza daxil olan məlumatlarla bağlı Səhiyyə nazirliyinə rəsmi məktub ünvanlayıb, lazımi cavabı əldə etməyə çalışacağıq. Düzdür, mobil telefona cavab verən şəxs “heç bir problem yoxdur, ünvanlayın” deməkdən də çəkinmədi.
Çox keçmədi ki, belə bir telefon danışıqlarımızdan sonra Ağstafa RPŞ-də çalışan və özünü rəisin əməliyyat işləri üzrə müavini kimi təqdim edən Zaur Məmmədov adlı şəxs, “siz Könül xanımdan nə istəyirsiniz?” deyərək, bizə sual ünvanladı. Elə ki, ondan rütbəsinin nə olduğunu soruşduq, o halda o, ona verdiyimiz sualı cavablandırmaqdan çəkindi. Bu məsələ ilə bağlı Ağstafa RPŞ-nin rəisi Elsevər müəllimlə əlaqə saxladıq və adı çəkilən şöbədə Zaur Məmmədovun rəisin əməliyyat işləri üzrə müavini vəzifəsini daşıyıb-daşımadığını soruşduq. Ünvanladığımız belə bir suala Elsevər müəllimin cavabı o oldu ki, “şöbədə Zaur Məmmədov adlı şəxs çalışır, amma o, rəis müavini deyil, sadəcə inspektor vəzifəsini daşıyır” dedi. Belə bir cavabdan sonra ortaya hər kəsin müzakirə edə biləcəyi suallar çıxır. Yəni, sual oluna bilər ki, Zaur Məmmədovun özünü rəisin əməliyyat işləri üzrə müavini kimi təqdim etməsinin, “UZİ” şöbəsində çalışan Könül xanımı müdafiə etməsinin səbəbi nədir? Sual oluna bilər ki, medianı maraqlandıran məsələlərə Zaur Məmmədovun müdaxilə etməsi hansısa qanunla tənzimlənirmi? Yaxud da, ona belə bir ixtiyarı kim verib? O halın varlığını unutmaq olmaz ki, çox hörmətli cənab Ramil Usubov 1994-cü ildən Azərbaycan Respublikasının Daxili İşlər naziri vəzifəsini həyata keçirir və o, ötən illər ərzində polisin əxlaqı, davranışı, kənar şəxslərə münasibəti və s. kimi məsələlərə olduqca diqqətcil olub. Bu belə olduğu halda, Zaur Məmmədov adlı polis əməkdaşının davranışlarına, atdığı addımlara nə ad vermək olar? Bəyəm, ona hansısa qanun belə bir məsələlərə müdaxilə etmək hüququ verirmi? Düşünürük ki, bu məqalənin dərcindən sonra cənab Ramil Usubov Ağstafa RPŞ-nin əməkdaşı olan bu şəxsin əməllərinin, ona aid olmayan məsələlərə müdaxilələr etməsinin sirlərinin araşdırılması yöndə, aidiyyəti üzrə lazımi tapşırığını verəcək.
Hələ bunlar azmış kimi, belə bir məsələlərlə kənar müdaxilələr etmək qərarı verən şəxslərdən biri də, Həsən adlı şəxs oldu ki, o, özünü bizə “ARB” və “DÜNYATV”-nin əməkdaşı kimi təqdim etdi. Belə bir təqdimetmə olduqca düşündürücü olmaqla bərabər, həm də ortaya çoxsaylı sualların çıxmasına da səbəb olur. Görəsən bu şəxs adlarını hallandırdığı televiziya kanallarında çalışırmı, yoxsa o, həmin kanalların adından “sperkulyasiya” etməyi fəaliyyətində əsas istiqamət seçib? Bir qədər vaxt keçdikdən sonra isə, yəni 11 may 2019-cu il tarixdə saat 14:18 radələrində Mahir adlı şəxsin redaksiyamıza zəng edərək, özünü bizə vəkil deyə təqdim etməsi də, bizi olduqca düşündürdü. Əvvəla onu qeyd edək ki, adı çəkilən bu şəxsin vəkillik fəaliyyəti ilə məşğul olub-olmadığını araşdırdıqda o da bəlli oldu ki, bu şəxs heç Vəkillər Kollegiyasının üzvü deyil. Deməli, hər üç şəxsin daşıdıqları vəzifələrindən deyil, daşımadıqları vəzifələrindən “sperkulyasiya” etməklə istifadə etmələri, onların hansısa maraqlarına cavab verir ki, onlar belə bir addımlarını atırlar.
P.S. Hörmətli oxucular! Biz bu yöndə araşdırmalarımızı bundan sonra da davam etdirməyə çalışacağıq və 11 may 2019-cu il tarixdə, istər özünü bizə Ağstafa RPŞ rəisinin əməliyyat işləri üzrə müavini kimi təqdim edən Zaur Məmmədovun və özünü bizə “ARB” və “DÜNYATV”-nin əməkdaşı kimi təqdim edən Həsən adlı şəxsin, istərsə də “mən Vəkillər Kollegiyasının üzvüyəm” deyən Mahir adlı şəxsin səsyazmalarını geniş ictimaiyyətin diqqətinə çatdırmağa, həmçinin hər üç şəxslə bağlı aidiyyəti dövlət qurumlarına rəsmi müraciətlər ünvanlayıb, lazımi cavabı əldə etməyə çalışacağıq. Odur ki, bizi izləməyi unutmayın.
Nyus.Az
