Abşeron rayonunun Mehdiabad qəsəbəsində "Naxçıvanlılar məhəlləsi"nin ortasından böyük suvarma kanalının qolu keçir. Kanala su qışda gəlməsə də, yayda olur. Son dövrlər sözügedən kanalın üst hissəsinin örtülərək sahəsinin zəbt olunması və fərdi yaşayış evlərinin tikilməsi vüsət alıb. Elə indilərdə də bu proses davam edir. Kanalüstü bəzi nahiyələr isə hasara alınıb.
Öyrənmişik ki, zəbtkarlar bu işi özbaşına görmədiklərini, İcra Hakimiyyəti nümayəndələrinin, yerli polisin güddüyü təmənnanı ödədiklərini deyirlər. Bildirilir ki, bu məsələdə Abşeron rayon Suvarma Sistemləri İdarəsinin rəisi Yusif Ələsgərovun da haqqı çatır və bu məbləğ 2000 manat civarındadır. Maraqlıdır, görəsən SSİ rəisi bu ittihamları təkzib edəcəyi təqdirdə bu suala cavab verə bilərmi: kanalı bu acınacaqlı aqibətdən qurtarmaq üçün nə vaxt, hara, kimlərə rəsmi müraciət edib və ümumiyyətlə edibmi?
Başqa bir məlumatda bildirilir ki, Binə qəsəbəsinin "Mehriban qonşular" küçəsində SSİ-nin nasosxanası var. Nasosxananaın balansında vaxtilə 5 hektar ərazi olub. Yusif bəy həmin ərazini sata-sata vur-tut 10 sot qalıncayadək "xırıd eləyib".
Bundan əlavə, Bakı ətrafı qəsəbələrin və Pirallahı rayonunun suvarma suyu ilə təmini məqsədilə 300 tonluq anbar inşa olunub. Səhih məlumata görə, formasına görə "Göbələk" deyilən həmin anbara giriş boruları da Yusif bəy tərəfindən doğraltdırılaraq satılıb. Qeyd olunur ki, indi anbarın içində hazır 43 ton armatur start vəziyyətində Yusif bəyin satış əmrini gözləyir. Nasosxanaya əsaslı təmir üçün 100 min manat pul ayrılsa da, İdarə rəisi heç cari təmir adlandırmağa yetəcək qədər də iş görməyib. Müşahidə olunub ki, yalnız şifer örtük dəyişdirilərək üstü rənglənib. Ümumiyyətlə isə, son dövrlər 6-ya yaxın bina müxtəlif təyinatlı bina tikilərək SSİ-nin balansına daxil edilib. Bildirildiyinə görə, tikilmiş və tikilməkdə olan həmin obyektlərin özlərinin və infrastrukturunun inşasında yeyintilərə yol verilib. Tikinti briqadasınmın işlçiləri isə maaşlarını ala bilmirlər.
Bu məlumatlara münasibətini öyrənmək üçün "Meliorasiya və Su Təsərrüfatı" ASC-nin mətbuat xidmətinin rəhbəri Dilqəm Şərifovla danışdıq. Mətbuat katibi bizi dinlədikdən sonra ilk öncə məsələyə aydınlıq gətirəcəyini vəd etsə də, sonra yəqin ki, fikrindən yayındı. İdarə rəisinin özü ilə əlaqə yaratmaq cəhdimiz də uğursuz alındı, Yusif bəy zəngimizə telefon açmadı. Rəsin katibəsinin verdiyi istiqamət üzrə idarənin baş mühəndisi Qənbər müəllimlə danışdıq. Amma o da cavab vermək məsuliyyətini üzərindən atıb məhz rəislə danışmağı məsləhət gördü.
Abşeron SSİ-nin varidatı qəsb olunaraq azaldıqca, Yusif bəyin özünün haram kapitalı artmaqdadır. Belə çıxır ki, daha onun satdıqlarını deyil, satmadıqlarını siyahı etmək lazımdır. Çapıb-taladığı dövlət əmlakı, pullar hesabına özünə paytaxtda və müxtəlif yerlərdə xeyli mülk-səltənət qurub, müxtəlif profilli obyektlər - dükan, restoran yaradıb. Bildirildiyinə görə, Yusif bəy məhrəm məclislərdə söz işlədir ki, qazandığını tək özü yemir, "yuxarılar"ın haqqını çatdırır. "Yuxarı"da isə əlbəttə ki, "Meliorasiya və Su Təsərrüfatı" ASC-nin sədri cənab Əhməd Əhmədzadə durur.
Nyus.Az
[media=https://www.youtube.com/watch?v=D9m-lczfjz8]
