Uzun illərdir ki, Bakı şəhəri, Binəqədi rayonu, Biləcəri yaşayış məntəqəsinə gedən yolun kənarında, daha dəqiq desək, əksəriyyətin “Şamaxinka” adı ilə tanıdığı ərazidə çöpçülük fəaliyyəti ilə məşğul olan “Çöpçü Sahibə”nin əməlləri, bu gün də tam əksəriyyətin müzakirə mövzusuna çevrilib. Düzdür, adı çəkilən bu xanımın məşğul olduğu qanundankənar fəaliyyət, ölkəmizdə koronovirus (COVİD-19) infeksiyasının peyda olduğu vaxtlardan əvvəllər, heç də o qədər diqqəti cəlb etmirdi. Bu gün isə dünyada və ölkəmizdə fərqli mənzərə əmələ gəldiyindən, bir çox şəxslərin, o cümlədən çöpçülük fəaliyyəti ilə məşğul olanların da əməlləri, məhz hər kəsi maraqlandırmaqdadır. Bu sırada illər uzunu əldə etdiyi qeyri-qanuni gəlirlər hesabına “Şamaxinka”nın uca dağ zirvəsində ərsəyə gətirdiyi gözəgəlimli yaşayış evində çöpçülük fəaliyyəti ilə məşğul olub, gündəlik neçə-neçə azyaşlının həyatını təhlükədə qoyan “Çöpçü Sahibə”nin əməllərinə göz yumulması, hal-hazırda ortaya çoxsaylı sualların çıxmasına səbəb olur.
Belə ki, Nyus.Az-a daxil olan məlumatlara görə, hal-hazırda da adı çəkilən bu xanım belə bir fəaliyyət növü ilə məşğul olur və söylənilənlərə görə onun səhhətində (Allah şəfasını versin) müəyyən problemləri var. Digər tərəfdən, “Çöpçü Sahibə” adı ilə tanınan bu qadın, uzun illərdir ki, əldə etdiyi qeyri-qanuni gəlirlərdən dövlətə vergi ödəmir. Bütün bunlar cinayət tərkibli əməllər olsa da, nədənsə ərazi üzrə cavabdehlik daşıyan hüquq-mühafizə orqanı əməkdaşları, bugünkü gündə də “Çöpçü Sahibə”yə “qaşın üstə qara var” demirlər. Bu cür yanaşmanın varlığı hər kəsi düşündürür, hər kəsi götür-qoy etməyə vadar edir. Yəni, hazırda paytaxt Bakı şəhərində də koronovirus infeksiyasının geniş yayılması səbəbindən xüsusi karantin rejimi tətbiq olunub. Buna baxmayaraq, “Çöpçü Sahibə” adı ilə tanınan bu xanım indiki vaxtda da çöpçülük fəaliyyəti ilə məşğul olur. Düzdür, o bunu açıq şəkildə deyil, bir qədər ehtiyatlı formada həyata keçirir. Məsələn, Nyus.Az-ın əldə etdiyi məlumatlara görə o, hüzuruna gələn müştəriləri xəlvəti yolla qəbul edir. Elə ki, həmin şəxslər onun həyətə daxil olurlar, o halda o, heç bir səs-küy salmadan giriş qapılarını bağlayır. “Çöpçü Sahibə”nin bu cür “oyun qaydaları”, istənilən halda koronovirus infeksiyanın geniş yayılmasına öz təsirini göstərir.
Düşündürücü hal odur ki, bu gün Sahibə xanım Nazirlər Kabineti yanında fəaliyyət göstərən Operativ Qərərgahın qəbul etdiyi qərarların tələblərinə heç bir halda əməl etmir. Yəni, adı çəkilən bu xanın əhalinin təhlükəsizliyinin təmin olunması yöndə ölkə rəhbəri cənab İlham Əliyevin, Operativ Qərərgahın üzvlərinin çağırışlarına, televiziya ekranlarında aparılan təbliğatların əhəmiyyətinə, tanınmış simaların məsləhətlərinə və s. məhəl qoymadan, məhz öz fəaliyyəti ilə məşğul olur. Axı, necə ola bilər ki, bu gün ölkə əhalisinin koronovirus (COVİD-19) infeksiyasına yoluxmasının qarşısının alınması məqsədilə büdcədən külli miqdarda vəsait ayrılır, yollarda, ictimai yerlərdə, bir çox istehsal və qeyri-istehsal sahələrində, yaşayış evlərinin həyətlərində və s. qabaqlayıcı zəruri tədbirlər görülür, Sahibə xanım isə tələb olunan normaları pozmaqla pul qazanır?
Ümumiyyətlə, sual oluna bilər ki, “Çöpçü Sahibə”nin belə bir fəaliyyət növü ilə məşğul olmasının hüquqi əsası varmı? Axı, mövcud qanunvericilik belə bir fəaliyyət növünü qadağan edir, bu xanım isə azyaşlılara nəfəsini verib “çöp” çıxarmaqla məşğul olur. Əslində belə bir addımın atılması, azyaşlıların mənşəyi bilinməyən minbir xəstəliyə yoluxmalarına yollar açır, həyatlarına təhlükələr törədir.
Bütün bunları qeyd etməkdə məqsədimiz ondan ibarətdir ki, bugünkü gündə Sahibə xanımın atdığı addımlar, birbaşa hər kəsə bədbəxtliklər nəsib edir. O halın varlığını da unutmaq olmaz ki, “Çöpçü Sahibə” adı ilə tanınan bu xanımın neçə-neçə azyaşlıya nəfəs verməklə “çoplər”ini çıxartması, məhz analoqu olmayan fəsadların əsasınıda qoyur. Odur ki, hazırda həm diqqətli, həm də ehtiyatlı olmalıyıq ki, azyaşlı körpələrimizin gələcəyini təhlükə altında qoymayaq. Mövzunu diqqətdə saxlayacağıq.
Bu yöndə araşdırmamız davam edəcək.
Nyus.Az
