Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir. Belə ki, AQTA əməkdaşları tərəfindən Bakıda, eləcə də regionlarda fəaliyyət göstərən ictimai iaşə obyektlərində, ərzaq satışı mağazalarında reydləR keçirilir, sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilir, icrası məcburi göstərişlər və maarifləndirici tövsiyələr verilir.
Reyd keçirilən bəzi obyektlərdə Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazalarınən ə onların sahiblərinin adları da açıqlanır.
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirməkdə və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görməkdə israrlıdır.
Bu müstəvidə hökumətə etibarlı tərəf müabili kimi çıxış edən “Dəryaz” qəzeti və onun internet səhifəsi olan “deryaz.az” saytı da öz növbəsində qeyd olunan sahələrdə vəziyyəti öyrənmək üçün müşahdələr aparır. Belə ki, əməkdaşlarımız Bakı şəhəri, Yasamal rayonu, 2-ci Alatava qəsəbəsində hazırki karantin rejimində fəaliyyətinə icazə verilməyən sahələr sırasında olan “Dayının yeri” adlı kafenin işlədiyinin şahidi olmuş, orada eyni vaxtda 20 nəfərə yaxın müştərilərə qapalı şəraitdə iaşə xidməti gösərildiyini, o cümlədən, spirtli içki verildiyini video-qeydə almışlar.
Məsələ ilə əlaqədar Yasamal Rayon Polis İdarəsinin rəis müavini Ələkbər müəllimə məlumat vermişik. Bundan sonra İdarədən adı çəkilən iaşə obyektinə vəziyyəti öyrənmək üşün post-patrul naryadı göndərilmiş, lakin əfsus ki, polis apardığı reyd nəticəsində “Dayının yeri”nin yalnız onlayn xidmət göstərdiyi qənaətinə gəlmişdir. Halbuki, əlimizdə yuxarıda qeyd etdiyimiz kimi, həmin obyektdə yerində xidmət göstərildiyinin sübutu kimi xidmət edəcək video-material vardır. Məhz həmin maerialla tanış olmaq üçün Yasamal RPİ-nin 29-cu PB-nin əraziyə nəzarəti həyata keçirən sahə rəisi Rüfət Şərifov redaksiyamızla əlaqə saxlamış, video-materailın tərəfimizdən ona göndərilməsi təmin olunmuşdur. Həmçinin, əməkdaşlarımz tərəfindən müşahidə olunmuşdur ki, həmin ərazidə, kafenin həndəvərində səkinin üzərində ərzaq məhsullarının (əsasən meyvə-tərəvəzin) pərakəndə satışı həyata keçirilir ki, bu da pandemiya qadağalarının pozulması ilə bərabər, həm də piyadaların gediş-gəlişini əngəlləyir, insanları avtomobil yoluna çıxmaq məcburiyyətində qoyur. Onu da qeyd edirik ki, həm kafe işçiləri, həm də pərakəndə ticarəti həyata keçirən şəxslər yerli polislə hesablaşdıqlarını, yəni, qanunsuz fəaliyyət göstərmələri üçün qeyri-rəsmi icazə aldıqlarını bildirmişlər. Öyrəndiklərimizi sahə rəisi Rüfət Şərifova dedikdə, o, bizi şanajçılıqda günahlandlrdı və barəmizdə ölçü götürüləcəyinə nail olacağı ilə hədələdi.
Növbəti üz tutduğumuz ünvan Daxili İşlər Nazirliyinin mətbuat xidmətinin rəhbəri cənab Ehsan Zahidov oldu. Telefonla əlaqə qurduğumuz hörməli həmkarımız məsələnin araşdırılacağına, qayda pozanların barəsində ciddi ölçü götürüləcəyinə söz vedi. Buna baxmayaraq, “dayının kafesi” təsvir ediyimiz qaydada işləməkdə davam edir. Görünən yeganə dəyişiklik odur ki, obyekt bayırdan bağlı görünür, amma daimi müştərilər içəri alınaraq onlara yenə qapalı şəraitdə xidmət göstərilir. Belə çıxır ki, kafe müdiriyyətinə və yaxın ətrafdakı pərakəndə ticarətlə məşğul olan şəxslərə polisdən kimsə, kimlərsə havadarlıq edir.
Mözuya qayıdacağıq.
Nyus.Az