Koronavirus pandemiyasi ilə əlaqədar olaraq ölkə ərazisində imkansız ailələrə yardım kompaniyası geniş vüsət alıb. Bununla bağlı rayon icra hakimiyyətlərinin rəsmi məlumatları da yayılır. Ağdam Rayon icra hakimiyyətinin rəsmi internet saytına istinadən cumhuriyyet.az bildirir ki, “Respublikanın hər yerində olduğu kimi, Ağdam rayonunda da gündəlik davam edən xeyriyyə tədbirləri sosial məsuliyyəti, dövlət-vətəndaş birliyini əks etdirən əsas amillərin bariz göstəricisidir. Belə ki, Ağdam rayon İcra Hakimiyyətinin təşəbbüsü və təşkilatçılığı ilə Ölkə xaricində yaşayan Ağdamlılar tərəfindən ahıl, kimsəsiz və daha çox ehtiyacı olan olan insanlara baş çəkilib, onlara ərzaq yardımı göstərilib”.
Amma sözügedən yardım kampaniyası ilə bağlı maraqlı məqam ortaya çıxıb. Gördüyünüz bu biyabrçı şəkillər isə Ağdam rayonunda yaşayan gənc tərəfindən çəkilərək Facebook sosial şəbəkəsində paylaşılıb. Bununla bağlı cumhuriyyet.az bildirir ki həmin gənc rayon icra hakimiyyətinə yardımla bağlı müraciət edib. Onun müraciəti əsasında ailəyə rayon icra hakimiyyəti başçısının birinci müavini Allahverən Əliyev ərzaq yardımı göndərib. İşin maraqlı tərəfi ondan ibarətdir ki ailəyə verilən yardım qutusunun içərisindən millət vəkili Ağalar Vəliyevə məxsus məktub tapılıb. Məktubda milli məclisin deputatı xalqı qurban bayramı münasibəti ilə təbrik edib.
Araşdırma zamanı məlum olub ki deputat Ağalar Vəliyevin Qurban bayramı zamanı rayona göndərdiyi yardım qutuları icra hakimiyyəti tərəfindən gizlədilərək xalqa paylanmayıb. Xatırladaq ki, 97 saylı Goranboy – Ağdam – Tərtər Seçki Dairəsindən Azərbaycan Respublikası Milli Məclisinin deputatı Ağalar Vəliyevdir. Sözügedən faktla bağlı əlavə yazı təqdim ediləcək.(cumhuriyyet.net)
Nyus.Az
