İmişli rayon icra hakimiyyətinin başçısı Vilyam Hacıyev Prezidentin Davosda olmasını fürsət bilib başçılıq etdiyi rayonu tərk edərək Bakı şəhərinə gəlib.
“RealMedia.az”-ın əməkdaşının dünən qeydə aldığı bu kadrlarda görüntülənən, yolun hərəkət hissəsini, yəni, avtomobillərin hərəkət zolağını kəsərək, hərəkətdə olan avtomobillərə maneçilik tőrədən 30 AA 001 dővlət nömrə nişanlı avtomibil İmışli Rayon İcra Hakimiyyətinin başçısı Vilyam Hacıyevin xidməti avtomobilidir. Metronun “Elmlər Akademiyası” stansiyası yaxınlığında, Bakı Dövlət Universitetinə doğru gedən yolun űstűndə icra başçısının xidməti avtomobilinin dayanmasından da aydın şəkildə də sezilir ki, avtomobili idarə edən şəxs “Yol hərəkəti haqqında” qanunun tələblərini pozur. Bu, öz yerində. Sual doğuran digər məqam ondan ibarətdir ki, Vilyam Hacıyev iş günündə başcılıq etdiyi rayonu başsız qoyub, rayonu tərk edərək Bakı şəhərinə gəlib.
Paytaxta hansı səbəbdən təşrif buyurması naməlumdur. Dəqiqləşdirmişik ki, Prezident Administrasiyasında şəhər, rayon icra hakimiyyəti başçılarının toplantısı olmayıb. Davos İqtisadi Forumuna qatılan Prezidentimiz ona İmişli boyda rayonu həvalə edir, Vilyam Hacıyev isə rayonu tərk edib Bakı şəhərində şəxsi işləri ilə məşğuldur
