Qusar şəhəri, Hacıməhəmməd küçəsi, 10 saylı evdə yaşayan, 14.04.1956- cı ildə anadan olmuş, ali təhsilli, 3 övlad atası, 2- ci grup əli, Ağamirzəyev Hacımirzə Ağamirzə oğlu tərəfindən Prezident İlham Əliyevə şikayət ərizəsi ünvanlanıb. Bir nüsxəsi də DİA.AZ-a daxil olan müraciətdə deyilir:
Hörmətli Cənab Prezdent! Sizin rəhbərliyinizlə Respublikada aparılan siyasi- mədəni və iqtisadi siyasətinizi hər an bəyənməklə, daima dəstəkləməyə hazırıq.
Danılmaz bir faktdır ki, Azərbaycan Respublikası tolerant bir Dövlət kimi dünya ölkələri arasında ən yüksək zirvədə qərarlaşmaqla, öz layiqli pilləsində qərarlaşmışdır. Azərbaycan Respublikasında vətəndaşlar milli mənsubiyyətindən asıllı olmayaraq, bütün millətlər bərabər hüquqlu olmaqla, dini konfessiyalar arasında dostluq- qardaşlıq münasibətləri qorunaraq təbliğ edilməklə, vətəndaşların mill-mənəvi dəyərləri yüksək qiymətləndirilməklə, daima Dövlət səviyyəsində qorunmaqdadır.
Sual olunur: Ölkə prezdentinin birbaşa nəzarəti, himayəsi altında Respublikada qorunan milli-mənəvi dəyərlərimiz Qusar rayonunda necə qorunur?
Qusar Rayonunun icra başçı Şair Alxasov, başçınn ictimai-siyasi və humanitar məsələlər üzrə şöbə müdiri Elman Mustafayev kənar rayonlardan işçi qüvvəsi və texnika cəlb etməklə, Qusarda mövcud xristian qəbristanlığını dağıdaraq orada yatanların ruhunu təhqir edib.
Yaşayış evimiz həmin qəbristanlığa yaxın olduğu üçün, həmin "Vandal "hərəkətləri gözümlə görmüşəm, hətta, yaddan çıxıb həmin ərazidə qalmış məzar daşlarının fotoşəkillərini də telefonumun yaddaşına köçürmək imkanım olmuşdur.
Respublikamızın şəhərlərində, rayonlarında, kəndlərində çoxlu qəbristanlıqlar mövcuddur. Həmin qəbristanlıqlarda ata-analarımız, ulu babalarımız və ən əzizlərimiz dəfn edilmişdir. Biz də həmi qəbristanlıq ərazilərini zəbt edərək, insan qalıqlarını kisələrə yığdıraraq, kənar ərazilərə tullamaqla, həmin qəbristanlıqlarda restoran, və digər kommersiya təyinatlı obyektlər tikdirib istifadəyə versək, milli-mənəvi dəyərlərimiz tapdalanmaqla, tolerant bir ölkə kimi qərarlaşan ölkəmizin imicinə zərbə vurulmazmı?"
Daha sonra dia.az-a daxil olan müraciətin mətnində deyilir: "Qusar RİHB-sı Şair Alxasov, təkcə qəbristanlıq əraziilərini zəbt etməmiş, onlar Qusar rayonda yeganə təbii park sayılan N. Nərimanov adına mərkəzi parkın torpaq sahəsini zəbt edərək, özünə həmin torpaq sahədə " Yaşıl Park " adlı möhtəşəm restoran tikdirməklə istifadəyə vermiş, Bayraq Meydanı ərazisində, Qusar meşə təsərrüfatına məxsus meşə fondunun torpaq sahəsini zəbt etməklə orada da, restoran tikdirmiş, Qusarda mövcud internat məktəbin balansında olmuş 2 ha torpaq sahəni sənədləri qanunsuz dəyişməklə, sənədləri saxtalaşdırmaqla , naməlum Sumqayıt şəhər vətəndaşına satmaqla milyonlarla vəsait əldə etmiş, Qusarda mövcud olmuş 4 saylı məktəbin 2 ha torpaq sahəsini qanunsuz zəbt etməklə, həmin torpaq sahədə yüksəkmərtəbəli, dəyəri milyonlarla qiyməti olan mehmanxana tikməklə istifadəyə vermiş, Qusar şəhərində mövcud, dövlət büdcəsinin vəsaiti ilə icra başçılar üçün tikilərək istifadəyə verilmiş binanı sökərək, həmin ərazidəki torpaq sahəni zəbt etmiş, Qusarda uşaq bağçası kimi uzun müddət fəaliyyət göstərmiş xəstəxananın 2, 5 ha torpaq sahəni zəbt edərək, həmin ərazidə özünə Təzə bazar tikməklə istifadətə vermiş, meşə fondunun yüzlərlə və digər ərazilərdə olan torpaq sahələrini qanunsuz zəbt etməklə, milyonlarla var - dövlət əldə etmişdir.
Qusar RİHB-sı Şair Alxasovun əmək haqqısı təxminən 2000 manata yaxın olduğu halda, Şair Alxasov milyonlarla dəyəri olan obyektləri hansı vəsaitlə tikərək istifadəyə verməklə milyonçu olmuşdur?"
Qarşı tərəfi də dinləməyə hazırıq...(Dia.az)
Nyus.Az
