Xırdalanda yolların bərbad olması çoxdanın müzakirə mövzusudur. Şəhər sakinləri illərdir davam edən qazıntı işləri və onların vaxtında başa çatdırılmaması üzündə əziyyət çəkdiklərini bilidirirlər. Onların dediyinə görə, keçilməz olan yollar yağışdan sonar daha da bərbad hala düşür.
JAMAZ.İNFO-ya müraciət edən Xırdalan şəhər, Osman Sarıvəlli küçəsi 6 ünvanında (119 saylı avtobusun son dayanacağı) yaşayan sakinlər bildiriblər ki, kanalizasiya xətləri çəkildikdən sonar yolları keçilməz hala düşüb. Qazıntıdan öncə asfaltla döşənmiş olan yola yenidən örtük vurulması problemə çevrilib. Daha doğrusu, bunun üçün sakinlərdən pul istənilir.
Sözügedən küçədə yaşayan sakinlər JAMAZ.İNFO-ya deyirlər ki, onlar küçənin yenidən asfaltlanması üçün müvafiq qurumun nümayəndələrinə müraciət ediblər. “Bizə dedilər ki, əgər küçənizin asfaltlanmasını istəyirsinizsə, 2000 manat pul verməlisiniz. Bbir xeyli xahiş, minnət etdik. Xeyri olmadı. Halbuki kanalizasiya xətti çəkilməmişdən əvvəl bizim küçə asphalt idi. Düz dalanın ağzına qədər asphalt döşənib. 200-300 kvadrat metrlik bir sahəni asfaltmaq bu qədər çətindir? Niyə 2000 manat pul verməliyik?”
Qeyd edək ki, Xırdalan şəhərində bir neçə ildir kanalizasiya xətləri çəkilir. “Azərsu” ASC tərəfindən həyata keçirilən prosesin bir hissəsi yekunlaşsa da, şəhərin bir çox səmtlərində durum acınacaqlıdır. Onu da bildirək ki, “Aazərsu”nun təmir etdiyi yolların asfaltlanmasını Azərbaycan Avtomobil Yolları Dövlət Agentliyi həyata keçirir.
Məsələ ilə bağlı müvafiq qurumların da mövqeyini dərc etməyə hazırıq.
Nyus.Az
[center]
