Hörmətli oxucular! Biz belə bir mövzuya toxunmağı, aşağıda adları hallanan saytlar barəsində hansısa açıqlamanı dərc etməyi, ilk əvvəl özümüz üçün rəva görmədik. Çox götür-qoy etdikdən sonra isə, qərara gəldiyimiz fikirimizdən daşınmalı olduq və belə bir addımı atmağımıza, məhz müəyyən nüansların varlığı səbəb oldu.
Əvvəla yazıb onu bildiririk ki, bir müddət bundan öncə redaksiyamızın elektron poçtuna SHXÇDX-nin Ağdam rayon idarəsində qol qoyulan qanunsuzluqlarla bağlı xeyli məlumatlar və səsyazısı göndərilmişdi. Həmin məlumatlar əsasında tərəfimizdən müəyyən araşdırmalar apardıq və “SHXÇDX-nin Ağdam rayon idarəsində möhlət vaxtı 1700 manata “satılır”- ŞOK OLAY SƏSYAZISI” başlığı altında məqalə dərc edib, hər kəsi baş verənlərlə məlumatlandırmağa çalışdıq. Yəni, dərc etdiyimiz məqalənin əsaslı olması haqda, ortada kifayət qədər dəlil-sübutlar var. Düzdür, mətni hazırlayarkən Azərbaycan dilində istifadə olunan, hansı ki, cümlələrdə işlətdiyimiz bəzi sözləri daha da qüvvətləndirmək, yaxud da diqqəti cəlbedici formada həmin sözə yönəltmək məqsədilə, bəddi ifadə formasından istifadə etdik. Məsələnin düşündürücü tərəfi odur ki, Azərbaycan qrammatikasından kifayət qədər anlayışı olmayan, cümlə qurluşu zamanı durğu işarələrinin işlədilməsində belə, ciddi yalnışlığa yol verən OperativXeber.az saytı, 22 sentyabr 2019-cu il tarixdə dərc etdiyi açıqlamasında bizi savadsızlıqda ittiham edib. Deyəsən adı çəkilən saytın əməkdaşları hələ də dərk edə bilmirlər ki, istənilən mövzunun başlıq hissəsindəki ilk sözün birinci hərfi böyük hərflə yazılmalıdır. Yəni, bu qəbul olunmuş qaydadır. Amma, OperativXeber.az qeyd olunan tarixdə dərc etdiyi mövzunun (Əgər həmin mətnə mövzu demək olarsa) başlıq hissəsində yazıb ki, “nyus.az” saytının SHXÇDX-nin Ağdam rayon idarəsi ilə bağlı yazısı tamamilə əsassızdır”. Yaxşı olar ki, bizi savadsızlıqda ittiham edən sayt əməkdaşlarının dərc etdikləri mövzunun belə bir başlıq adı altında yazılmasına hər kəs diqqət yetirsin və lazımi qiymətini də versin. Yəqin ki, o halda kimin nəyə qabil olduğu hər kəsə güntəki bəlli olacaq. Digər tərəfdən, adı çəkilən sayt əməkdaşları hazırladıqları mövzunun giriş hissəsindəki ikinci cümləni “Başlıq ilk baxışdan qulağa cəlbedici gəlir, elə deyilmi?” deyə qeyd ediblər. Yəqin ki, bu cür cümlə qurluşunun da, heç bir bənzəri yoxdur. Belə bir halların varlığı, məhz OperativXeber.az saytının hansı səviyyədə “operativ” olduğunu göstərməyə tam əsas verir.
Digər tərəfdən, “mövzu”nun iç hissəsində Qaynar-xett.az saytının Nyus.az saytında dərc olunan faktlarla bağlı araşdırma apardığı da qeyd olunub. Məsələnin ikrah hissi doğuran tərəfi odur ki, Qaynar-xett.az saytı öz adını cümlənin orta hissəsində qeyd edərkən, adının ilk hərfini kiçik yazıb. Belə bir halın varlığı, məhz adı çəkilən saytın olduqca kiçik, daha dəqiq desək “milçək ölçüdə” olduğunu sübut etməyə tam əsas verir. Digər tərəfdən, Qaynar-xett.az saytı ötən illərin birində Azərbaycan Mətbuat Şurası sədrinin adından bəzi vəzifə sahiblərinə jurnalist vəsiqələri satmaqla, məhz adını respublikamızın hüdudlarından çox-çox uzaqlarda da “beddam” etmişdir.
Bu gün isə, Qaynar-xett.az saytı özünü hər kəsə “mələk donu”nda göstərmək istəyir.
Adı çəkilən media qurumuna rəhbərlik edən şəxsin ötən illər ərzində Bərdə, Qazax, Ağcabədi və Yardımlı rayonlarında, Tovuz rayonun Qovlar qəsəbəsində və digər ərazilərdə qol qoyduğu hoqqaların, ələlxüsus idarə, müəssisə, təşkilat rəhbərlərindən minbir cildə girib ianələr əldə etməsinin nə həddi, nə də hüdudu bilinir. Yəni, bu haqda kifayət qədər məlumatlara malikik. Bu belə olduğu halda, hal-hazırda haqdan-ədalətdən danışan, Nyus.az-ın dərc etdiklərini şər-böhtan adlandıran Qaynar-xett.az-a nə ad vermək olar? Əgər Qaynar-xett.az SHXÇDX-nin Ağdam rayon idarəsinin rəisi Elxan Feyziyevin, rəhbərlik etdiyi idarədə “kolxoz bazarı” açdığını və bunu təsdiq emək üçün sürücü işləyən Cəsarət adlı şəxsin danışıqlarına diqqət yetirib ortaya nəticə çıxara bilmirsə, o halda vay bizim halımıza! Deyəsən belə bir gedişlə Qaynar-xett.az iç üzünü açır və nəyə qabil olduğunu da ortaya qoyur.
P.S. Hörmətli oxucular! Yaxın günlərdə Qaynar-xett.az-ın “işgüzar fəaliyyəti”nin bəzi gizlinləri haqda, daha ətraflı açıqlamalarla çıxış edəcəyik. Odur ki, bizi izləməyi unutmayın.
Hazırladı: Malik Zəka
Nyus.Az
