ABŞ prezidentinin milli təhlükəsizlik müşaviri Con Bolton bəyan edib ki, Vaşinqton İran sahillərinə “Avraam Linkoln” təyyarədaşıyanını və bombardmançıların operativ qruplaşmasını göndərir.

Virtualaz.org xəbər verir ki, Bolton CNN-ə açıqlamasında Vaşinqtonun bu addım İran rejiminə “aydın və qüsursuz” siqnal göndərmək məqsədi daşıdığını bildirib. “Ona görə ki, Birləşmiş Ştatların və onun müttəfiqlərinin maraqlarına istənilən hücum amansız güclə qarşılacaq”-Bolton xəbərdarlıq edib.


ABŞ prezidentinin müşaviri deyib ki, onlar İran rejimi ilə müharibəyə can atmır, amma istənilən hücuma cavab verməyə hazırdırlar. “İstər İranın vasitəçiləri üzərindən hücum olsun, istər İnqilab Keşikçiləri Korpusu və ya nizami İran qüvvələri olsun”-o vurğulayıb.

Xatırladaq ki, ABŞ İrana qarşı sanksiyaları daha da gücləndirib. Mayın 2-dən etibarən İrandan neftin ixracına tamamilə qadağa qoyulub, bu İrandan neft alan ölkələri və şirkətləri ABŞ-ın sanksiyaları gözləyir. Habelə Vaşinqton Tehranı hədələyib ki, Buşəhr AES-in genişlənməsinə və zənginləşdirilmiş uranın əvəzində uran filizi əldə etməyə görə də sanksiyalara məruz qoyacaq. ABŞ bildirir ki, İrana daha ağır su saxlamağa imkan vermək niyyətində deyil, çünki Tehran müvafiq limiti keçib.

Virtualaz.org