Gəncə Dövlət Universitetinin 80 illik yubileyi keçirildikdən sonra, rektor Yusif Yusibov qısa müddətli məzuniyyətə çıxır.
Onun universitetdə olmamasından istifadə edən prorektorlar və Prezidentin fərmanları ilə fəxri ad alanlar, həm Yusif Yusibova, həm də cənab Prezidentə xəyanət edirlər. Belə ki, 12 dekabrda Gəncə Dövlət Universitetində ulu öndər Heydər Əliyevin anım günü ilə bağlı tədbir keçirilir. Həmin tədbirdə rektorun baş müşaviri Asif Cavadov, prorektor Fəxrəddin Həsənov və Fəxrəddin Məmmədov, həmçinin Milli Məclisin deputatı, prorektor Pərvin Kərimzadə və digər rəhbər şəxslər həmin vaxt universitetdə olsalar da, onlar keçirilən anım tədbirinə qatılmırlar.
Anım tədbirində yalnız bir neçə dekan və kafedra müdiri iştirak edirlər və onlar iclas zalını tələbələrlə doldururlar. Belə bir səbəblər üzündən də, keçirilən tədbir olduqca sönük keçir və anım günü belə bir formada yola verilir. Maraqlıdır ki, adları hallanan həmin şəxslərin çoxu bir saat dərs keçməsələr də, bir müddət bundan əvvəl onlar müxtəlif yollarla fəxri ad alırlar. Onu da bildirək ki, Asif Cavadovun və adları çəkilən digər şəxslərin şübhəli siyasi fəaliyyəti haqqında, bu günə kimi bəzi media qurumlarında bir neçə dəfə açıqlamalar dərc olunmuşdur.
ADAU-da və digər təşkilatlarda keçirilən anım tədbirlərində isə, hər müəssisənin rəhbəri iştirak edir. Başa düşmək olar ki, nəyə görə rektor yubiley tədbirindən sonra qısamüddətli məzuniyyətə gedir? Keçirilən yubiley tədbirində Prezidentin imzaladığı sərəncam əsasında respublikanın “Əməkdar müəllim”i adına və “Tərəqqi medalı”na layiq görülən (Əslində onlar bu ada layiq deyillər. Çünki, həmin şəxslər bu günə qədər bir saat olsun belə dərs keçməyiblər, ortada yeyib kənarda gəziblər) universitetin prorektoru, Milli İstiqlal Partiyasının sabiq üzvü Fəxrəddin Məmmədov, vaxtilə Heydər Əliyevin şəkillərini ayaqlar altına atan müsavatçı, GDU-nun “qara kassir”i, rektorun baş müşaviri Asif Cavadov, Elmar Vəliyevin xeyir-duası ilə deputat seçilən, amma bu ada layiq olmayan Pərvin Kərimzadə, Yusif Yusifovun tikinti biznesinin rəhbəri, prorektor Fəxrəddin Həsənov, universitetin həmkarlar təşkilatı və digər rəhbər şəxsləri, keçirilən bu anım tədbirinə qatılmırlar. Tədbiri humanitar məsələlər üzrə müavin Gülüsüm Fətəliyeva aparır. İclas zalını doldurmaq üçün tələbələri dərsdən yayındırıb zala doldururlar.
Tədbirdə bir neçə dekan və fağır kafedra müdirlərindən bir neçəsi iştirak edir. Keçirilən tədbir zamanı Asif Cavadov və digər prorektorlar çayxanada olsalar da, onlar tədbirə qatılmırlar. Tədbirdə adları çəkilən şəxslərin olmaması, məhz göndərilən şəkillərdən sə açıq-aydın görünür. Bu o Asif Cavadovdur ki, onun həyat yoldaşı 5 il müddətinə kafedra müdiri işləyib. Bu gün də kafedra müdiri seçilmək istəyir. Adı çəkilən Zümrüd Cavadova (Şirinova) vaxtilə prezident seçkilərində Lalə Şövkətin vəkili olmuşdu. Bunları rəsmi dövlət qəzetlərində olan fotolar da təsdiq edir. Əgər Yusif Yusifov keçirilən tədbirdə olsaydı, o halda prorektorlar ona yaltaqlanmaq üçün tədbirə qatılardılar. Rektor olmadığından adları çəkilən bu şəxslərin heç biri nə anım tədbirinə, nə də ki, Heydər Əliyevin abidəsi önünə gülqoyma mərasiminə qatılmırlar. (GundemXeber.az)
Nyus.Az
