Azərbaycanda daha bir gəlin ərinin əmisi oğlu ilə intim münasibət qurub. Və əmisi oğlunun arvadı ilə münasibət quran şəxs qohumları tərəfindən cəzalandırılıb. Bu hadisə Şəmkir rayonunda baş verib.
Belə ki, rayonun Seyfəli kənd sakini Həsənov Elşad Yusif oğlu əmisi oğlanları tərəfindən döyülərək təhqir edilib. (Trend)
Müəyyən edilib ki, E.Həsənov əmisi oğlu Həsənov Əli Fərhad oğlunun həyat yoldaşı Ocaqverdiyeva Nurlana Zabit qızı ilə intim münasibətdə olub.
Hadisədən xəbər tutan Ə.Həsənov qardaşları Asiman Həsənov və Ruslan Həsənovla birlikdə dekabrın 12-də rayonun Çaylı kəndindən Yeni Həyat kəndi istiqamətində olan avtomobil yolunda E.Həsənovun idarə etdiyi avtomobili saxlatdıraraq onu avtomobildən düşürüblər.
Daha sonra qardaşlar E.Həsənovu döyərək əynindəki paltarları soyundurub onu videoya çəkiblər və Seyfəli kəndində küçədə düşürüblər.
E.Həsənovun müraciətindən sonra faktla bağlı Şəmkir rayon Polis Şöbəsində Cinayət Məcəlləsinin 133.2.3-cü (işgəncə, mütəşəkkil dəstə və ya cinayətkar birlik tərəfindən törədildikdə) maddəsilə cinayət işi başlanıb.
Hazırda hadisəni törədən şəxslərin tutulması istiqamətində əməliyyat-istintaq tədbirləri keçirilir.
Xatırladaq ki, bir neçə ay əvvəl analoji hadisə Quba rayonunda baş vermişdi. Əmisi oğlunun arvadı ilə sevişib onu qaçıran gənci kənd sakinləri döyüb öldürmüşdü. Hadisəyə görə bir neçə nəfər tutulub.
virtualaz.org
