Mayın 29-da Norveçdə "Altibox Norway Chess" şahmat superturnirinin II turu oynanılıb.
Azərbaycanın turnirdə yeganə təmsilçisi Şəhriyar Məmmədyarov bu turda amerikalı qrossmeyster Fabiano Karuana ilə qarşılaşıb və tərəflər sülh bağlayıb.
İki turdan sonra turnirə 1,5 xal ilə norveçli Maqnus Karlsen başçılıq edir. Karuana 0,5 xalla sonuncu yerdədir.
Məmmədyarov da daxil olmaqla qalan bütün şahmatçılar hərəyə 1 xal toplayıblar və müvafiq olaraq 2-9-cu yerləri bölüşürlər.
Azərbaycan şahmatçısı növbəti turda rusiyalı Sergey Karyakinlə qarşılaşacaq.
Superturnirin mükafat fondu 250 min avrodur. Qalib 75 min, ikinci yer 40 min, üçüncü yer isə 25 min avro qazanacaq.
