Mədəniyyət Nazirliyinin tabeçiliyində fəaliyyət göstərən bu hoteldə, azyaşlı qızların cinsi və mənəvi zoraklığa məruz qalmaları analoqu olmayan faciələrdəndir
Məlumdur ki, Bakı şəhəri, Binəqədi rayonunun Xocasən qəsəbəsi ərazisində fəaliyyət göstərən “Çinarlı” hoteldə qol qoyulan biabırçılıqlarla bağlı, bugünədək əksər media qurumlarında silsilə tənqidi məqalələr yayımlanıb, problemlərin mahiyyəti hər kəsin diqqətinə çatdırılıb. Bütün bunlara baxmayaraq, bu obyektə rəhbərlik edənlər çirkin əməllərindən əl çəkmirlər ki, bu cür söz-söhbətlərə son qoyulsun. Unutmaq olmaz ki, hər kəsin nəzər-diqqətinin bu ünvana yönəlməsinin bir çox səbəbləri var. Əvvəla onu qeyd edək ki, “Çinarlı” hotel mərkəzi ərazidən bir qədər kənarda, daha dəqiq desək səssiz-küysüz bir ünvanda yerləşir. Ona görə də, mərkəzi ərazilərə nisbətən havasının təmizliyi, ümumi görkəminin cəlbediciliyi ilə diqqəti cəlb edən bu hotelə, gündəlik çoxsaylı müştərilər üz tuturlar. Əvvəla onu bildirək ki, “Çinarlı” hotelin adında xüsusi bir məna var. O halda sual oluna bilər ki, bir çox göstəriciləri ilə əksər ünvanlardan fərqlənən bu hoteldə nələr baş verir ki, hər kəs bu ünvan haqda həm haqlı iradını, həm də qol qoyulan həngamələrə giley-güzarını bildirir. Belə bir səbəbdən də, bir müddət bundan əvvəl məcbur olduq ki, “Çinarlı” hotelin fəaliyyəti haqda bir qədər araşdırmalar aparaq və sadalanan iradların, giley-güzarların səbəblərini müəyyən edək. Apardığımız araşdırmalar zamanı o da məlum oldu ki, bu hotel Mədəniyyət nazirliyinin balansında olan ictimai-iaşə obyekti adı altında fəaliyyət göstərir. Belə bir tabeçilik prinsipinin varlığıonu müəyyən edir ki, nazirliyin xətti ilə həmin ünvana üz tutanlar “Çinarlı” hoteldə normal istirahət etməlidir. Görəsən bu ünvanda tələb olunan ehtiyaclar bu yöndə ödənilirmi və nazirliyin adına xələl gətiriləcək addımlar da atılırmı? İlk olaraq müşahidələriiz və gördüklərimiz bizi dəhşətə gətirdi. Çünki, bu ictimai-iaşə obyekti Mədəniyyət nazirliyinin balansında olsa da, illərdir ki, ən böyük əxlaqsızlıq yuvalarından biri olaraq fəaliyyət göstərməkdədir. Apardığımız araşdırmalar zamanı o da məlum oldu ki, fəaliyyətinin əsas vaxtı axşam saatlarına təsadüf etdiyindən, həmin ünvanda axşamüstü müştərilər daha çox olur. Hotelin giriş qapısında sərasər dayanan gözətçi isə, ilk əvvəl hotelin həyətinə daxil olan avtomobilləri yerbəyer edir və cütlüklərə yol göstərir. Çox keçmir ki, həmin ünvana təşrif buyuran “qonaqlar”a müxtəlif qiymət həddində olan otaqlar təklif olunur. Seçim etmək ixtiyarı isə, müştərilərin öhdəsinə buraxılır. Yəni, bu hoteldə hər otağa görə müəyyən olunmuş qiymət həddi var.
Nyus.Az-a daxil olan məlumatlara görə, bu gün hoteldə idarəçiliyi Zahid adlı şəxs həyata keçirir. Onun belə bir işlərdə kifayət qədər iş təcrübəsi olduğundan, “Çinarlı” hotelin həqiqi sahibi heç zaman üzə çıxmır və idarəçiliyi bu şəxsə həvalə edir. Sağ olsun Zahid “bəy”i, o da bugünədək əldə etdiyi iş təcrübəsini bu yöndə səfərbər edir və hər otaqda qadınların cinsi və mənəvi istismara məruz qalmaları üçün lazımi şərait də yaradır. Yəni, həmin ünvana üz tutan cütlüklərdən nigahda olub-olmamaları soruşulmur, göstərilən xidmətin müqabilində bir kimsəyə ödəniş qəbzi verilmir. Cütlüklərin istifadə etdikləri əşyaların, hansısa virusun daşıyıcısı olub-olmaması, çox zaman əksəriyyətdə müəyyən şübhələrin əmələ gəlməsinə də səbəb olur. Çünki, bu ünvanda idarəçilik uzun müddətdir ki, belə bir prinsiplər əsasında həyata keçirilir.
Düşündürcü hal odur ki, Azərbaycan Respublikasının Mədəniyyət naziri cənab Anar Kərimovun rəhbərlik etdiyi nazirliyə tabe olan bu obyekt, bu gün ən böyük əxlaqsızlıq ünvanı olaraq fəaliyyət göstərməkdədir. Minbir xəstəliyin daşıyıcısı olan “Çinarlı” hotelin bu yöndə fəaliyyəti, sözün həqiqi mənasında biabırçılıqdır, olduqca utanc hissi gətirən halın varlığıdır. Faciə odur ki, bu gün mədəniyyətimizi təbliğ edən və inkişaf etdirən bir nazirliyin adını, belə bir əxlaqsızlıq əməlləri ilə bağlamaq nə deməkdir? Qadınların, azyaşlı qızların cinsi istismarına şərait yaradılan bu ünvanda hansı mədəniyyətdən, hansı əxlaqdan, hansı namusdan, hansı qeyrətdən danışmaq olar? Ona görə də biz o halın varlığına inanırıq ki, “Çinarlı” hoteldə baş alıb gedən həngamələrə, hər cür çirkinliklərə və s. vicdanı və əxlaqı təmiz olan cənab Nazir heç bir halda göz yummayacaq. Çünki, bu Nazirliyin idarəçiliyi sağlam düşüncəli bir şəxsə, hansı ki, sağlam yanaşması ilə xalqına bağlı olan, dövlətini sevən cənab Anar Kərimova etibar edilib.
Araşdırmamız davam edəcək.
Nyus.Az
P.S. Hörmətli oxucular! Biz bu yöndə araşdırmalarımızı bundan sonra da davam etdirib, “Çinarlı” hoteldə baş verən hər cür iyrənclikləri, biabırçılıqları daha geniş ictimaiyyətin diqqətinə çatdırmağa çalışacağıq. Bizi izləyin.
