Təxminən üç il bundan əvvəl paytaxtın Nizami rayonunda yerləşən Etibar Cəlilov adına 272 nömrəli tam orta məktəbin yuxarı sinif şagirdləri bir-birini bıçaqlamışdılar. Ondan yaqrım il sonra həmin məktəbin adı daha bir qalmaqallı hadisə ilə ucadan çəkilmişdi. İki qadın müəllim saçyoldusuna çıxmışdılar. Onlardan birinin barəsində Nizami Rayon Prokurorluğunda Cinayət Məcəlləsinin 221.1-ci (xuliqanlıq, yəni ictimai qaydanı kobud surətdə pozan, cəmiyyətə açıqca hörmətsizlik ifadə edən, şəxslər üzərində zor tətbiq olunması ilə və ya belə zorun tətbiq edilməsi hədəsi ilə) maddəsi ilə cinayət işi açılmış və ibtidai istintaqı yekunlaşdırılaraq Nizami Rayon Məhkəməsinə göndərilmişdi. Düzü, həmin müəllimlərin sonrakı aqibəti haqda məlumatımız yoxdur. Bir onu bilirik ki, məktəbin direktoru Nizami Qasımzadə açıqlamasında hadisənin məktəbdən kənarda və şəxsi problemlər zəminində baş verdiyini bildirmişdi.
İlk ağıla gələn bu idi ki, direktor özünü və məktəbin imicini sığortalamaq üçün belə deyibmiş. Amma hamıya gün kimi aydındır ki, intriqanın kökü məktəbdə başlayıb və yəqin ki, dalaşan müəllimlər öz aralarında pul (dərs saatı, kəsişən maddi maraq) bölə bilməyiblər. İş yoldaşı olmaqdan əlavə, həm də qonşu, yaxud, qohum olsaydılar, bu başqa məsələ...
Direktor hələ də yerindədir. Qanunsuz pul yığımı da davam edir. 5 Oktyabr – Müəllimlər Günündə şagirdlərdən rüşvət toplanılması barədə xəbər var. Bu isə o deməkdir ki, məktəbiun müəllimləri arasında yenə də dava düşməsi istisna deyil.
Bu ilin aprel ayında isə xəbər yayıldı ki, 272 saylı məktəbdə 1 yeniyetmə qız özündən yaşca böyük 4 oğlanla – elə həmin məktəbin şagirdləri ilə cinsi əlaqədə olub. Gəlin razılaşaq ki, bir direktorun idarəçiliyi dövründə məktəbdə bu qədər idbar hadisələrin baş verməsi onun vəzifədən kənarlaşdırılması üçün yetərli səbəblərdir.
Haqlı olaraq sual doğur: Daha başqa nələr baş verməlidir ki..? Amma əlbəttə ki, bu sual direktor Nizami Qasımzadəyə yox, Təhsil Nazirliyinə ünvanlanmalıdır. Oa görə də telefonla Nizami müəllim verdiyimiz sual məhz peşə bayramı ilə əlaqədar şagirdlərdən pul toplanması barədə oldu. Direktordan çox qəribə cavab aldıq: “Səbəbini gedin təhsil nazirindən soruşun”.
Sözün düzü, mat qaldıq. Belə çıxır ki, direktor idarə etdiyi məktəbdə rüşvət toplanmasının səbəbkarı kimi təhsil nazirini görür?
Məyusluğumuza daha bir səbəb o oldu ki, N.Qasımzadə bir “reket” jurnalisti özünə “mətbuat katibi” götürüb. Müəmmadır ki, məktəb direktoru rəsmi omayan bu vəzifənin maaşını hansı mənbə hesabına ödəyir.
Mövzuya qayıdacağıq.
Nyus.Az
