Bakıda və Abşeron yarımadasında dünəndən başlayan külək bir sıra fəsadlar yaradıb.

Şəhərin bir çox yerlərin də qəzalar baş verib. Onlardan biri də Nərimanov rayonu Fəxrəddin Əsədov küçəsində olub. Belə ki, güclü külək bu küçədə də bir ağacın aşmasına da səbəb olub.



Sakinlərin verdiyi məlumata görə, ağacın aşması zamanı nə sakinlərə, nə də yaxınlıqda olan obyektlərə heç bir ziyan dəyməyib. Qəza yerinə müvafiq qurumların əməkdaşları cəlb olunub.



Sakinlər deyirlər ki, bu ərazidə qurumuş və qəzalı vəziyyətdə olan ağacların çox olması, küləkli hava şəraitində bu kimi qəzaların baş verməsinə rəvac verir. Ona görə də aidiyyəti qurumlardan lazımı tədbirlərin görülməsinə ehtiyac var.



Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Xidmətinin Proqnozlar Bürosunun direktoru Gülşad Məmmədova oxu.az-a bildirib ki, gün ərzində paytaxtda fasilələrlə yağış yağacaq. Havanın temperaturu 9 dərəcə isti təşkil edəcək. Bölgələrdə yağıntılı hava şəraiti davam edəcək. Bəzi yerlərdə yağış, dağlıq və dağətəyi yerlərdə qar yağacaq.

G.Məmmədova əlavə edib ki, noyabrın 12-i səhər saatlarından başlayaraq ölkə ərazisində hava şəraiti sabitləşəcək.