Canını vətənə fəda edən qəhrəmanlarla təkcə yaxınları deyil onu tanıyan hər kəs qürür duyur. Onlardan biri də xüsusi təyinatlı Ağalı Ağayevdir. Türkiyədə xüsusi təyinatların kursunu keçən Ağalı düşmənin məhv edilməsində böyük rol oynayıb.
Nyus.Az xezerxeber.az-a istinadən bildirir ki, xüsusi Təyinatlı Kiçik Gizir Ağalı Ağayev İkinci Qarabağ müharibəsində şəhidlik zirvəsinə ucalan igid vətən oğullarından biridir.Siyəzən rayonunun Balaca Həmyə kəndində doğulan Ağalı, kiçik yaşlarından hərbiyə maraq göstərib. Hərbi xidmətini baş vurduqdan bir müddət sonra yenidən hərbiyə qayıdıb.Bundan əlavə Türkiyədə iştirak etdiyi təlimlərdə də təltif edilib.
Vətən müharibəsi başlayanda isə heç düşünmədən ön cəbhəyə yollanıb.Müxtəlif istiqamətlərdə Döyüşlərdə cəsurluğu ilə seçilib.
Vətən müharibəsində Ağalının qardaşı Ağami də iştirak edib. Onlar döyüşlərdə ayrı -ayrı yerlərdə olublar.
Ağalı Ağayev Oktyabrın 26-da Xocavənddə şəhidlik zirvəsinə ucalıb.Göstərdiyi şücaətə görə, Ağalı Ağayev Vətən uğrunda, Döyüşdə fərqlənməyə görə, Kəlbəcərin azad olunmasına görə, Cəbrayılın azad olunmasına görə medalları və "Azərbaycan Bayrağı" Ordeni ilə təltif edilib.
Nyus.Az
