Prezident Əliyev Lavrov gəlməmişdən əvvəl bir həftə ərzində (axırıncı dəfə Naxçıvanda) Qarabağ və Ermənistanla əlaqədar Azərbaycanın pozisiyasını çox konkret izah etmişdi. Əslində bu açıqlamalar RF-sının Prezidenti Putinə, Azərbaycana göndərilən Lavrova yönəldilmişdi. Düşünürəm ki, bu görüşdə Prezident Əliyevin Lavrova verdiyi mesajlar:
1. Azərbaycan Qarabağ məsələsində nə RF, nə də Ermənistana heç bir güzəştə getməyəcək.
2. 10 Noyabr müqaviləsinə əməl edilməlidir, Zəngəzur dəmir və avtomobil yolu dəhlizləri açılmalıdır.
3. Rusiyanın sülh məramlıları Qarabağda atacaqları bütün addımları əvvəlcədən Azərbaycanla razılaşdırmalıdırlar. Və sairə. Həmçinin RF-nın silahlılarının Azərbaycanda olmasından qərb və ABŞ-ın narazı olduğuda nəzərə çatdırılıb.
Əks təqdirdə Azərbaycan Sülh məramlıların Qarabağda qalmasının məqsədə uyğun olub olmadığı məsələyə baxacaq. Sözsüz bu açıq şəkildə yox , müəyyən diplomatik epitetlərlə, yəni Lavrovun başa düşə biləcəyi şəkildə ona çatdırılmışdır. Azərbaycandan müstəqil siyasət apardığına görə xoşu gəlməyən lovğa Putini Azərbaycanın qətiyyətli mövqeyi daha da qəzəbləndirəcək. Ancaq o heç bir şey edə bilməz. Dünyada bütövlüklə nüfuzunu itirmiş bir ölkəyə çevirib Rusiyanı cənab Putin.
Rəsul Quliyev, eks-spiker //moderator.az//
