Deməli, dünən Bakı Şəhər İcra Hakimiyyətinin (BŞİH) başçısı Eldar Əzizov paytaxtdakı istirahət parkları, bağlar və “Abad məhəllə”lərin hazırkı vəziyyəti ilə bağlı videokonfrans formatında müşavirə keçirib.
Eldar Əzizov son illərdə İlham Əliyevin səyləri nəticəsində Bakının parklar şəhərinə çevrilməsini qeyd edərək bildirib ki, parklara qulluğun səviyyəsi də artmalıdır: “ Lakin bəzən səhlənkarlıq hallarına da yol verilir. Məsələn Sabunçu rayonunda yerləşən EKO park yerli icra qurumlarının diqqətsizliyi nəticəsində baxımsız vəziyyətə düşmüşdü. Buna görə də Sabunçu Rayon İcra Hakimiyyətinin başçısı Adil Vəliyevə iradlar tutulub. Hazırda mövcud nöqsanların aradan qaldırılması məqsədi ilə Sabunçu Rayon İcra Hakimiyyəti tərəfindən bu ərazidə müvafiq tədbirlər həyata keçirilir”.
Əlbəttə, cənab Eldar Əzizov paytaxtın meri olaraq Sabunçunun icra başçısı Adil Vəliyevə və digər icra başçılarına iradlarını bildirə bilər. EKO parkdakı vəziyyət həqiqətən də rəkaçan olmadığı üçün Eldar Əzizovun iradları haqlı və yerindədir. Amma...
Amması odur ki, Həzrəti İsaya sual verəndə ki, günahkar qadını daşlamaq lazımdır, sən nə əmr edirsən.
Həzrəti İsa buyurub ki, “Birinci daşı aranızdakı ən günahsız olan atsın”.
Eldar Əzizov, siz Bakının meri olaraq haqlı iradınızı bildirmisiniz. Amma “Sənin özün ən günahsız olansan”..?
Sənin günahlarını dəryalar yuya bilməz.
Bir həftə əvvəl Hesablama Palatası sənin əməllərinlə bağlı, daha doğrusu, Bakı ŞİH-nin tabeliyindəki Bakı Şəhər Məktəbəqədər Təhsil Müəssisələri və Uşaq Evləri İdarəsinə dövlət büdcəsindən ayrılan vəsaitlərin icrasına dair auditin nəticəsini açıqlayıb. Bəlli olub ki, büdcədən 2 milyon manatlıq yeyinti olub.
Eldar Əzizov!
Təsəvvür edirsən, 2 milyon manat.
Həm də 2 milyon hara silinib ?
Körpələr evindəki uşaqlara kofe, kakao, çörək, sümüksüz mal ət, banan, dənəvər qəhvə, zeytun yağı və s.
Eldar Əzizov !
Siz körpə uşaqların da yeməyini oğurlayırsınız.
Bütün bunlar bir yana.
Eldar Əziziov, Londona apardığın 20 milyon pul yadındadır ?
Tikinti işləri ilə məşğul olan biznesmen yadına düşdü ?
Eldar Əzizov, bu pular səndə haradan idi ?
Bu məsələ ilə bağlı nə qədər zəng edirdin ?
İndi telefonumuzu da açmırsan ?
Bəli, yenə o fikirdəyik ki, daşı ən az günahı olan atmalıdır. Və bu məmləkətdə ağır günah sahiblərindən biri sizsiniz, cənab Əzizov!
İndi isə keçək Adil Vəliyevin günahlarına.
Eldar Əzizov, niyə soruşmursan ki, Adil Vəliyev, sən icra başçısısan, yoxsa avtomobil-Porshe alverçisi ?
Eldar Əzizov, sənin rəhbər, Adil Vəliyevin isə başçı olduğun Sabunçu qəbristanlığında ölülərə məxsus hər şeyi oğurlayırlar. Deməli, sizlər dirilərə, hətta körpələrə məxsus hər şeyi oğurlayandan sonra keçmisiniz dünyasını dəyişənlərə məxsus olanları oğurlamağa. Heç ayıbınıza gəlmir ?
Sabunçudakı bütün qəbristanlıqları vermisiniz prezidentin sabiq köməkçisi Əli Həsənovun qardaşı İsa Həsənova. O, isə bir qəbr yerini 600 manata satır. Bəli, Adil Vəliyev Sabunçuda Əli Həsənovun adamlarını himayə edir.
Adil Vəliyev Zabrat yolunun qıraqlarını satdı, neft ərazilərini satdı, yolları satdı, səkiləri satdı...rayon ərazisindəki bütün PALACE-lər ona məxsusdur. Əmlakının siyahısı kitablara sığmaz. Katibənlə bağlı xahişə adam göndərdin keçdik, sonra Zülfüqarı göndərdin, Həsəni göndərdin...daha yetər. Sənin çıxış yolun həbsdir və dostlarının yanına getmək.
Həə, yeri gəlmişkən, Adil Vəliyev uşaq vaxtından qəbristanlıqlara mehr salıb. Bəli, uşaq vaxtı Maştağada olmağı çox sevərdi. Əgər palatanın nömrəsini unudubsa, yadına sala bilərik.
Bir də Adil müəllimin nəzərinə bir şeyi çatdırmaq istəyirik. Orda-burda ağsaqqalların adı hallandırma. Həm də unutma ki, bu ölkədə söz sahibi cənab Prezidentimizdir. //gundelik-baku.com//
