Bu gündən Azərbaycanda Ramazan ayı başlayıb.
Nyus.Az Qafqaz Müsəlmanları İdarəsinin məlumatına istinadən xatırladır ki, bu il Ramazan ayı aprelin 14-ə təsadüf edir. Niyyət gecəsi də aprelin 13-dən 14-nə keçən gecəyə düşür.
Təqvimə əsasən, Əhya gecələri (Qədr gecəsi) 1 may (Razamanın 18-ci günü), 3 may (Ramazanın 20-ci günü), 5 may (Ramazanın 22–ci günü) və 9 may (Ramazanın 26-cı günü) tarixlərinə təsadüf edir.
Şəvval ayının 1-i, yəni mayın 13-də isə Ramazan bayramı olacaq.
**23:54 (13.04.2021)
Bu gecə müqəddəs Ramazan ayının ilk gecəsi – niyyət gecəsidir.
Virtualaz.org xatırladır ki, gecənin əvvəlindən sübh azanına qədər istənilən vaxt qəlbdə niyyət etməklə hər bir müsəlman 12 ayın sultanı Ramazan ayına başlamış olur. Niyyəti həm hər ayrıca gün üçün, həm də bütün ay üçün etmək olar. Niyyət belə edilir (bütün Ramazan ayı üçün): “Bir ay Ramazan ayının orucunu tuturam, vacib qürbətən iləllah”. Belə deyilsə, artıq digər gecələr niyyət edilməsinə lüzum yoxdur.
Hər gün üçün niyyət belə edilir: “Sabah üçün Ramazan orucu tuturam, vacib qürbətən iləllah”. Belə niyyət edilirsə, o zaman niyyət hər axşam olmalıdır.
Nyus.Az
