Əmək və əhalinin sosial müdafiəsi naziri Sahil Babayev son iki ildən artıq bir dövr ərzində ölkədə əmək müqavilələrinin sayının 300 mindən çox, əməkhaqqı fondunun 77-78% artdığnı açıqlayıb.
Cebhe.info xəbər verir ki, iqtisadçı-ekspert Rövşən Ağayev nazirılik rəsmlərinə və iqtisadçılara bir neçə suala aydınlıq gətirmələri üçün səslənib:
“1) Söhbət bütövlükdə iqtisadiyyat üzrə əməkhaqqı fondunun artımından gedir, ya yalnız özəl sektor üzrə?
2) Artımdan əvvəl əməkhaqqı fondu mütləq məbləğdə nə qədər olub və hazırda nə qədərdir?
3) Əgər əməkhaqqı fondu bu qədər artıbsa, milli hesablar sistemində əməkhaqqı gəlirlərinin ÜDM-ə nisbəti necə dəyişib?
4) Əməkhaqqından 77-78%-lik artım "ağarma"nın nəticəsidirsə, bu "ağarma" gizli iqtisadiyyatın səviyyəsində nə qədər leqallşmaya səbəb olub?
Yeri gəlmişkən, bu gün Iqtisadiyyat naziri də gizli iqtisadiyyatda azlama baş verdiyini deyib. Amma azalma nə qədər olub, hansı səviyyədə idi, azalmadan sonra hara düşüb, bununla bağlı hər hansı əlavə açıqlama yoxdur”.
Ekspert əlavə edib ki, 77-78% çox parlaq rəqəmdir, amma gərək baza məlumatları ilə birgə təqdim edilsin ki, hər kəs açıqlanan statistikanın şəffaflığına da əmin olsun. Həm də bu məlumatlar olmadan 77-78% özlüyündə nəyisə ifadə etmir.
