Mersində (Türkiyə) 28 yaşlı keçmiş həyat yoldaşı Hatun Koçu 7 yaşlı qızının gözü önündə ov tüfəngi ilə vuraraq ağır xəsarət yetirən Özkan Yarbi barəsində hökm oxunub. "Qəsdən öldürməyə cəhd' ittihamı ilə 10 il həbs cəzasına məhkum edilib.

Milli.Az haberturk-ə istinadən xəbər verir ki, hadisə 27 may 2020-ci ildə baş verib. Aralarında mübahisə zamanı ov tüfəngi ilə Koça üç dəfə atəş açıb.

İndi Hatun Koç uzun müddət müalicədən sonra qoltuqağacı ilə gəzir. Məhkəmədə danışan Yarbi "məni təhqir etdi, əsəbiləşdim, atəş açdım. Öldürmək niyyətim yox idi, peşmanam, özümü günahkar hesab edirəm. Barışmaq istəyirdim və ona məktub da yazdim. Şeytan yoldan çıxardı, əllərim quruyardı onu vurduğum yerdə. Hadisəyə çox peşmanam, ədalətinizə sığınır və qərarınıza hörmət edirəm", - deyə qatil ər məhkəmədə bildirib.

Kamran Seyidov