Bakının Nərimanov rayonunda “Çermet” adlanan ərazidə partlayış baş verib. Virtualaz.org xəbər verir ki, əlvan metal qəbulu məntəqəsində mərmi partlayıb.


İlkin məlumata görə, hadisə nəticəsində bir nəfər ağır yaralanb.

Bununla yanaşı, redaksiyamız əlvan metal qəbulu üzrə bir məntəqədə çəkilmiş sensasion video əldə edib. Bu videoda bir yerə toplanmış partlamamış sursatlar görünür və heç bir təhlükəsizlik tədbirlərindən söhbət belə getmir.

Maraqlıdır ki, Azərbaycan ərazisində partlamamış silah-sursatın zərərsizləşdirilməsi ilə ANAMA adlı qurum məşğul olur və bütün belə mərmilər Müdafiə Nazirliyinin və FHN-in mütəxəssislərinin nəzarəti altında dərhal məhv edilməlidir. Lakin anlaşılmaz səbəblər üzündən tonlarla mərmi Bakının mərkəzində adi bir əlvan metal qəbulu məntəqəsində toplanıb.

Bunu necə qiymətləndirmək olar? Təxribat, yoxsa cinayətkar səhlənkarlıq? Axı heç kimə sir deyil ki, bu mərmilər cinayətkarların və potensial terrorçuların əlinə düşə bilər.

Bugünkü partlayışdan artıq bir nəfər zərər çəkib. Daha böyük bəlalardan isə bizi hələlik Allah qoruyur.

Virtualaz.org
[media=http://www.dailymotion.com/video/x6h9xua]